Brigitte Bardot
Actores o Ffrainc ac ymgyrchydd dros hawliau anifeiliaid yw Brigitte Anne-Marie Bardot, a adnabyddir fel rheol fel Brigitte Bardot (ganed 28 Medi 1934).
| Brigitte Bardot | |
|---|---|
 | |
| Ganwyd | Brigitte Anne-Marie Bardot  28 Medi 1934 Paris, 15fed arrondissement Paris |
| Man preswyl | Saint-Tropez |
| Label recordio | MGM Records, Philips Records, Fontana Records, Barclay Records, Disc'AZ |
| Dinasyddiaeth | Ffrainc |
| Alma mater |
|
| Galwedigaeth | canwr, hunangofiannydd, actor ffilm, ymgyrchydd dros hawliau anifeiliaid, artist recordio, dawnsiwr, model ffasiwn, llenor, person cyhoeddus, actor |
| Taldra | 170 centimetr |
| Tad | Louis Bardot |
| Mam | Anne-Marie Mucel |
| Priod | Roger Vadim, Jacques Charrier, Gunter Sachs, Bernard d'Ormale |
| Partner | Gilbert Bécaud, Serge Gainsbourg |
| Plant | Nicolas-Jacques Charrier |
| Gwobr/au | Gwobr Bambi, Order of the Golden Ark, Prix des intellectuels indépendants, Légion d'honneur, Gwobr David di Donatello am Actores Dramor Orau, Chevalier de la Légion d'Honneur, David di Donatello |
| Gwefan | https://www.brigitte-bardot.fr |
| llofnod | |
 | |
Ganed hi yn ninas Paris. Gyrrodd ei mam hi a'i chwaer Marie-Jeanne i wersi dawnsio. a phenderfynodd Brigitte fynd yn ddawnswraig bale. Aeth i'r Conservatoire de Paris yn 1947, ac astudiodd fale dan y Rwsiad Boris Knyazev. Wedi gadael y Conservatoire, daeth yn fodel, yna cafodd ran mewn ffilm wedi i'r cyfarwyddwr Roger Vadim sylwi arni. Ymddangosodd yn ei ffilm gyntaf, Le Trou Normand, yn 1952, a'r un flwyddyn priododd Vadim.
Yn y 1950au a'r 1960au, ymddangosodd mewn nifer fawr o ffilmiau, yn Ffrangeg a Saesneg, a daeth yn fyd-enwog. Mewn ffilmiau poblogaidd fel Et Dieu crea la femme, gwnaeth lawer i boblogeiddio'r bicini. Ysgarodd Vadim yn 1957, ac yn 1959 priododd yr actor Jacques Charrier. Yn ddiweddarach, bu'n briod a Gunter Sachs a Bernard d'Ormale.
Ymddeolodd o ffilmiau yn y 1970au. Yn y 1990au daeth Bardot yn adnabyddus fel ymgyrchydd dros hawliau anifeiliaid, a daeth hyn a hi i wrthdrawiad ag Islam. Mae wedi cael ei dirwyo nifer o weithiau am sylwadau a ystyrid yn hiliol.[1][2]
Cyfeiriadau
golygu- ↑ (Saesneg) Bardot fined for racist remarks. BBC (16 Mehefin 2000). Adalwyd ar 1 Mawrth 2012.
- ↑ (Saesneg) Bardot fined over racial hatred. BBC (3 Mehefin 2008). Adalwyd ar 1 Mawrth 2012.