Agor y brif ddewislen
Llun o Frwydr Kulikovo Pole gan Ivan Blinov, Amgueddfa Hanesyddol Wladwriaethol, Moscow

Brwydr rhwng lluoedd y Mongoliaid (y Llu Euraidd) dan Mamai a lluoedd Tywysogaeth Moscow dan Dywysog Dmitry Donskoy oedd Brywdr Kulikovo Pole (Brwydr Maes Kulikovo, Rwsieg Куликовская битва / Kulikovskaya bitva). Cymerodd le ar 8 Medi 1380 ar Kulikovo Pole ('Maes y Gïachod'), maes rhwng Afon Don, Afon Nepryadva ac Afon Krasivaya Mecha yn ne Rwsia (yn ne-orllewin Oblast Ryazan heddiw). Roedd y frwydr yn fuddugoliaeth lwyr i luoedd Moscow, a'r fuddugoliaeth sylweddol gyntaf gan luoedd Rwsiaidd yn erbyn eu rheolwyr o Fongoliaid. O hyn ymlaen, dechreuadd rheolaeth y Mongoliaid wanháu yn Rwsia. Dangosodd y frwydr arweinyddiaeth dywysogaeth Moscow, arwydd o goruchafiaeth ddyfydol Moscow dros y tywysogaethau Rwsiaidd eraill.