Bryn Evans

Roedd Daniel Brinley 'Bryn' Evans (16 Ionawr 1902 – 29 Ebrill 1970) yn fewnwr i rygbi undeb rhyngwladol Cymru a chwaraeodd i Gymru ac i Abertawe.

Bryn Evans

Enw llawn	Daniel Brinley Evans
Dyddiad geni	(1902-01-16)16 Ionawr 1902
Man geni	Penclawdd
Dyddiad marw	29 Ebrill 1970(1970-04-29) (68 oed)
Lle marw	Penclawdd
Gyrfa rygbi'r undeb
Gyrfa'n chwarae
Safle	Mewnwr
Clybiau amatur
Blynyddoedd	Clwb / timau
	Clwb Rygbi Penclawd Clwb Rygbi Abertawe
Timau cenedlaethol
Blynydd.	Clybiau	Capiau
1933	Cymru	1	(0)

Gyrfa Rygbi

Yn wreiddiol, chwaraeodd Evans rygbi ar gyfer clwb is Penclawdd, a bu'n gapten i'r tim uwch yn ystod tymor 1929/30, cyn iddo symud ac ymuno â thîm arbennig Abertawe.

Chwaraeodd Evans un gêm yn unig i Gymru, sef yn erbyn yr Alban fel rhan o Bencampwriaeth y Gwledydd Cartref 1933. Roedd Cymru newydd ddychwelyd ar ôl buddugoliaeth hanesyddol dros Loegr yng  ngêm agoriadol y gystadleuaeth, pan enillodd y tîm yn Twickenham am y tro cyntaf. Roedd gobeithion Cymreig yn uchel ar gyfer yr ail gêm a oedd yn erbyn yr Alban yn St Helens, cae cartref Abertawe. Roedd y detholwyr am gadw'r un tîm a oedd wedi curo'r Saeson, ond roedd Maurice Turnbull wedi ei anafu. Felly penderfynodd y detholwyr ollwng ei bartner, y dibynadwy Harry Bowcott i ganiatáu i bartneriaeth Abertawe o Evans a Ron Morris gymryd eu lle. Er fod y gem ar dir cartref ac yn erbyn tîm dibrofiad yr Alban, collodd Cymru o 11-3, a gollyngwyd Evans ar gyfer y gêm nesaf ac ni wnaeth gynrychioli ei wlad eto.

Gemau Rhyngwladol

Cymru

• yr Alban 1933

Llyfryddiaeth

• Godwin, Terry (1984). The International Rugby Championship 1883-1983. London: Willows Books. ISBN 0-00-218060-X.
• Smith, David; Williams, Gareth (1980). Fields of Praise: The Official History of The Welsh Rugby Union. Cardiff: University of Wales Press. ISBN 0-7083-0766-3.