Côr Cwmdŵr

Côr plant yn ardal Llanwrda, Sir Gaerfyrddin oedd Côr Cwmdŵr. Tyddyn ac efail ddwy filltir i'r gogledd o bentref Llanwrda yw Cwmdŵr ac yn y pumdegau a'r chwedegau roedd yn fwrlwm o ddiwylliant, a ymledai drwy'r cylch. Yno trefnai Madam Cassie a Jack Simon wersi cerddorol i ddisgyblion o bell ac agos. Arferai'r côr gystadlu mewn eisteddfodau lleol a chynnal cyngherddau.