Car llusg
Cerbyd a chanddo waelod llyfn neu ddwy neu ragor o lyfrau llyfn a chymharol gul ar ei hyd ac sy'n teithio trwy lusgo dros arwyneb yw car llusg neu sled.
| Delwedd:Sleigh from dutch slee.jpg, Sleigh.jpg | |
| Math | cerbyd tir, offer chwaraeon, Ceffyl a throl, transport vehicle  |
|---|---|
 Ffeiliau perthnasol ar Gomin Wicimedia | |
Mae ceir llusg gan amlaf yn cael eu defnyddio ar eira neu rew, ond mewn rhai achosion gellir eu defnyddio ar unrhyw arwynebau, yn arbennig rhai sydd ag ychydig iawn o ffrithiant, fel tywod neu borfa gwlyb. Mae ceir llusg fel arfer yn cael eu defnyddio ar eira gan ei fod yn lleihau'r ffrithiant ac yn hwyluso cludo llwythau trwm. Gellir eu defnyddio i gludo teithwyr, cargo, neu'r ddau.
Gall ceir llusg gael eu tynnu gan anifeiliaid, fel ceffylau neu geirw, neu trwy ddull arall, neu gael eu defnyddio ar oledd fel eu bod yn symud dan bwysau disgyrchiant.
Defnyddir y gair toboggan weithiau yn gyfystyr a char llusg neu sled, ond mae hwnnw fel arfer yn cyfeirio at fath penodol sydd heb lyfrau (darnau penodol o gar sy'n cyffwrdd â'r ddaear tra bod y gweddill ohono wedi'i godi yn uwch, hynny yw, nid cyfrolau â thudalennau).