Cau allan chwarel Dinorwig 1874

Roedd cau allan chwarel Dinorwig 1874 yn anghydfod llafur yn chwarel Dinorwig ym mis Mehefin 1874.

Ar Ebrill 27 1874, cafodd cyfarfod ei gynnal yn nhafarn y Queen’s Head yng Nghaernarfon, mewn ymateb i anfodlonrwydd cynyddol ymysg y chwarelwyr, yn enwedig gweithwyr Chwarel y Penrhyn a Chwarel Dinorwig. O ganlyniad sefydlwyd Undeb Chwarelwyr Gogledd Cymru. Roedd nifer o berchnogion y chwareli yn amharod i dderbyn bodolaeth yr undeb

Pleidlais

Ar 18 Mehefin, 1874 roedd y ‘dydd Gosod’ pwysig, pan ofynwyd i chwarelwyr Dinorwig ddewis rhwng yr undeb a’u gwaith. Yn y dyddiau a ddilynodd, dewisodd 2,200 o chwarelwyr yr undeb, ac 11 i'r gwrthwyneb. Cafodd tua 2,200 o chwarelwyr eu cloi allan o chwarel Dinorwig ym mis Mehefin, ond ar ôl pum wythnos cytunodd y rheolwyr i dderbyn bodolaeth yr undeb.

Gweler hefyd

Cau allan chwarel Dinorwig 1885