Tref yn nhalaith Mahdia, Tiwnisia yw Chebba. Mae'n gorwedd ar lan y Môr Canoldir tua 30 km i'r de o ddinas Mahdia a thua 80 km i'r gogledd o Sfax. Roedd 19,883 o bobl yn byw yno yn 2004.[1]

Chebba
CentreChebbaTunisie.jpg
Math municipality of Tunisia Edit this on Wikidata
Poblogaeth 24,515 Edit this on Wikidata
Daearyddiaeth
Sir Mahdia Edit this on Wikidata
Gwlad Baner Tiwnisia Tiwnisia
Cyfesurynnau 35.2372°N 11.115°E Edit this on Wikidata
Cod post 5170 Edit this on Wikidata

HanesGolygu

 
Brithlun Rhufeinig o Chebba yn dangos y duw Neifion a'r Pedwar Tymor.

Ger La Chebba, ar bentir Ras Kaboudia, ceir adfeilion ribat (caer neu gastell) Bordj Kjadidja, a adeiladwyd ar sylfeini o gyfnod yr Ymerodraeth Fysantaidd. Roedd yn rhan o gadwyn o gaerau a godwyd gan yr Abbasiaid ar hyd arfordir Sahel Tiwnisia yn yr 8g OC. Codwyd y gaer Fysantaidd i amddiffyn tref hynafol Caput Vada; glaniodd y cadfridog Bysantaidd Belisarius yno yn 533 OC ar gychwyn ei ymgyrch llwyddiannus yn erbyn y Fandaliaid. Ailenwyd y dref yn Justinianopolis gan y Bysantiaid.

Ceir brithluniau (mosaics) Rhufeinig o Caput Vada yn Amgueddfa'r Bardo yn Nhiwnis.

Bu protestiadau yn erbyn llywodraeth Zine Ben Ali yn Chebba yn ystod intifada Tiwnisia.[2]

CyfeiriadauGolygu

  Eginyn erthygl sydd uchod am Diwnisia. Gallwch helpu Wicipedia drwy ychwanegu ato.