Cneifio defaid
Torri'r cnu sydd wedi tyfu'n dew dros y gaeaf ar ddefaid er mwyn cael gwlân yw cneifio defaid (cyfeirir ato gan amlaf fel cneifio ond mae gan y gair hwnnw ystyr ehangach hefyd).
![](http://upload.wikimedia.org/wikipedia/commons/thumb/9/91/Tom_Roberts_-_Shearing_the_rams_-_Google_Art_Project.jpg/250px-Tom_Roberts_-_Shearing_the_rams_-_Google_Art_Project.jpg)
![](http://upload.wikimedia.org/wikipedia/commons/thumb/1/16/Y_Cneifwyr.jpg/250px-Y_Cneifwyr.jpg)
Yng Nghymru a gweddill gwledydd Prydain, ac Iwerddon, o leiaf mewn rhai mannau roedd yna arferiad i olchi'r defaid rai wythnosau cyn ei cneifio drwy eu cael i groesi afon neu nant fel bod y gwlân yn lannach. Cneifir defaid yn y gwanwyn, a hynny er mwyn cael gwlân ond hefyd am nad oes angen y cnu tew ar y defaid yn yr haf ac am y byddent felly yn tyfu cnu newydd dros yr haf at y gaeaf nesaf. Gwaith cydweithredol fu cneifio yng Nghymru, a gan fod y rhan fwyaf o'r ffermydd mynydd yn rhai bychain, byddai ffermwyr yn helpu ei gilydd trwy rannu'r dasg o gneifio.
![](http://upload.wikimedia.org/wikipedia/commons/thumb/9/96/Gwyneth_Richards%2C_the_only_girl_in_the_YFC_taking_part_in_sheep_shearing_competitions_in_Wales_%284404072360%29.jpg/220px-Gwyneth_Richards%2C_the_only_girl_in_the_YFC_taking_part_in_sheep_shearing_competitions_in_Wales_%284404072360%29.jpg)
Yn Awstralia a Seland Newydd mae cneifio defaid yn ddiwydiant mawr. Cneifir hyd at 4,000 o ddefaid mewn diwrnod mewn rhai canolfannau ac am fod amser yn brin, gall cneifiwr medrus a chyflym ennill cyflog da iawn.
Cynhelir cystadlaethau cneifio defaid yn yr Antipodes gyda gwobrau mawr. Ceir cystadleuaeth flynyddol yn Sioe Frenhinol Cymru yn ogystal.