Dodrefn Cymru

Yn debyg i bensaernïaeth a dillad Cymru, traddodiad cyntefig a gwerinol ar y cyfan sydd gan Gymru o ran ei dodrefn.

Ystafell â chelfi, gan gynnwys dresel Gymreig, yn y 1910au.

Ystafell fwyta mewn tŷ yn Rhaeadr Gwy yn y 1910au.

Cistiau

Ffurf ar gist sydd yn unigryw i Gymru yw'r coffer bach neu gist Feibl Gymreig, a ddefnyddid i gadw'r Beibl teuluol a dogfennau pwysig.

Cypyrddau

Yn yr 16g roedd y cwpwrdd deuddarn yn boblogaidd yng Nghymru. Cafwyd hefyd y cwpwrdd tridarn, a defnyddiwyd y rhain i gadw ac arddangos llestri arian a phiwter a chrochenwaith. Yn ddiweddarach cafodd drysau gwydr eu gosod ar gypyrddau. Datblygodd y ddresel Gymreig yn ffurf benodol ar ddresel i arddangos llestri.

Byrddau

Yn hanesyddol, cedwid byrddau trestl yn y neuadd a'r bwthyn fel ei gilydd. Yn ddiweddarach daeth byrddau cadarn, gyda choesau parhaol ac estynyddion, yn gyffredin.

Seddau

Am amser maith, eisteddai'r werin ar feinciau yn eu tai. Datblygodd cadeiriau o seddau bocs. Gwneid cadeiriau cefn ffyn yng Nghymru ers y 13g.

Gwlâu

Bu crud pren y baban yn drysor teuluol ymhlith y werin Gymreig.