Domenico Ghirlandaio

Arlunydd Eidalaidd yng nghyfnod y Dadeni Dysg oedd Domenico Ghirlandaio (1449 – 11 Ionawr 1494) sydd yn nodedig am ei ffresgoau traethiadol manwl, sydd yn cynnwys nifer o bortreadau o ddinasyddion blaenllaw Gweriniaeth Fflorens a golygfeydd Beiblaidd.

Domenico Ghirlandaio
Ffigur—a dybir ei fod yn hunanbortread—o Addoliad y Doethion (1485–88) gan Domenico Ghirlandaio.
Ganwyd	Domenico di Tommaso Curradi di Doffo Bigordi  2 Mehefin 1448  Fflorens
Bu farw	11 Ionawr 1494  Fflorens
Dinasyddiaeth	Gweriniaeth Fflorens
Galwedigaeth	arlunydd
Adnabyddus am	Tornabuoni Chapel, Sassetti Chapel
Mudiad	y Dadeni Eidalaidd
Plant	Ridolfo del Ghirlandaio
Perthnasau	Bastiano Mainardi
Gwefan	http://www.domenico-ghirlandaio.org

Ganed Domenico di Tommaso Bigordi yn Fflorens yn fab i eurych. Tarddai ei lysenw, "Ghirlandaio", o waith ei dad o wneud garlantau ar gyfer gwallt menywod y ddinas. Nid oes tystiolaeth o'i addysg ac hyfforddiant yn y celfyddydau, neu ddechrau ei yrfa, ond mae Giorgio Vasari yn honni yr oedd yn ddisgybl i Alesso Baldovinetti. Dyddia'r gweithiau cynharaf a briodolir iddo o'r 1470au. Paentiodd yn bennaf furluniau a ffresgoau ar wynebau mawr, a cheir hefyd ambell allorlun ganddo ar baneli pren. Ni arbrofodd erioed gyda chyfrwng paent olew.

Paentiodd sawl ffresgo ym 1481–82, gan gynnwys Galwedigaeth Seintiau Pedr ac Andreas yn Cappella Sistina, Dinas y Fatican. Ei gampwaith, mae'n debyg, yw'r cylch ffresgo (1485–90) yng nghôr Santa Maria Novella yn Fflorens, a gomisiynwyd gan deulu'r Medici, o olygfeydd o fucheddau'r Forwyn Fair ac Ioan Fedyddiwr.