Dymphna Cusack
Awdures o Awstralia oedd Dymphna Cusack (22 Medi 1902 – 19 Hydref 1981) sy'n cael ei hystyried yn nodedig am ei gwaith fel awdur, dramodydd, cofiannydd a nofelydd.[1]
| Dymphna Cusack | |
|---|---|
 | |
| Ganwyd | 22 Medi 1902  West Wyalong |
| Bu farw | 19 Hydref 1981 o Sglerosis ymledol |
| Dinasyddiaeth |  Awstralia |
| Alma mater |
|
| Galwedigaeth | llenor, nofelydd, dramodydd, cofiannydd |
| Adnabyddus am | Come In Spinner |
| Gwobr/au | Aelod o Urdd Awstralia |
Ganwyd Dymphna Cusack yn Wyalong, New South Wales. Roedd ei brawd, John hefyd yn awdur a chyhoeddodd y nofel, They Hosed Them o dan y ffugenw John Beede yn 1965.[2] Chwaraeodd Cusack ran allweddol yn hyrwyddo traddodiadau democrataidd, blaengar ei hoff wlad, ac roedd yn boblogaidd iawn fel siaradwraig yn Awstralia ac fel sylwebydd diwylliannol yn ystod y cyfnodau hir y bu'n aros yn Ewrop o'r 1940au i'r 1970au.[3]
Graddiodd Dymphna Cusack yn y Celfyddydau o Brifysgol Sydney ac yno hefyd yr enillodd ddiploma mewn addysg. Bu'n gweithio fel athrawes hyd nes iddi ymddeol yn 1944 oherwydd rhesymau iechyd. Ysgrifennodd Cusack ddeuddeg o nofelau ac un-ar-ddeg o ddramau; cafodd ei nofel Come in Spinner ei chynhyrchu fel cyfres deledu gan Gorfforaeth Ddarlledu Awstralia yn 1989, ac fe'i darlledwyd ym mis Mawrth 1990. A hithau'n frwd dros ddiwygio cymdeithasol roedd disgrifio'r angen am ddiwygio yn nodwedd gyffredin yn ei gweithiau. Derbyniodd gydnabyddiaeth Member of the Order of Australia yn 1961 am ei chyfraniad i lenyddiaeth Awstralia. Roedd hefyd ymhlith yr awduron a sefydlodd yr Australian Society of Authors yn 1963, ac ymhlith yr un-ar-ddeg o awduron, yn cynnwys Elizabeth Jolley a Manning Clarke i gael eu cydnabod gyda phlac pres ar Rodfa'r Awduron yn Sydney.
Cyfeiriadau
golygu- ↑ Marilla North (2007), "Cusack, Ellen Dymphna (Nell) (1902–1981)", Australian Dictionary of Biography, National Centre of Biography, Australian National University, http://adb.anu.edu.au/biography/cusack-ellen-dymphna-nell-12385, adalwyd 18 May 2015
- ↑ Cusack, J.B. (2012), They Hosed Them Out, Wakefield Press, ISBN 9781743051061, https://books.google.ca/books?id=g0S4V3TR6tEC
- ↑ Peitzker, Tania. (2000) "Introduction." "Dymphna Cusack (1902–1981): a Feminist Analysis of Gender in her Romantic Realistic Texts." Potsdam: University of Potsdam.