Edward Jones (esgob)

Clerigwr Anglicanaidd o Gymru yn oedd Edward Jones (Gorffennaf 1641 – 10 Mai 1703) a oedd yn Esgob Llanelwy o 1692 i 1703.

Edward Jones
Ganwyd	Gorffennaf 1641
Bu farw	10 Mai 1703
Alma mater	Coleg y Drindod, Caergrawnt Ysgol Westminster
Galwedigaeth	offeiriad
Swydd	Esgob Llanelwy

Bywyd cynnar ac addysg

Ganwyd yn Llwyn Rhirid, Ffordun, yn ardal Maldwyn, yn fab i Richard a Sarah Jones. Mynychodd Ysgol Westminster. Astudiodd yng Ngholeg y Drindod, Caergrawnt o 1661 i 1664, ac etholwyd ef yn gymrawd yno yn 1667.

Iwerddon

Symudodd i Kilkenny yn Iwerddon ac yno bu'n athro ar ysgol, a Jonathan Swift oedd un o'i ddisgyblion. Penodwyd yn ganon yn Ossory, yn ddeon Lismore yn 1678, ac yn Esgob Cloyne yn 1683.

Esgob Llanelwy

Yn 1692 cafodd Edward Jones ei drosglwyddo o Esgobaeth Cloyne i Esgobaeth Llanelwy, yn olynydd i William Lloyd. Esgob llwgr ydoedd a werthai swyddi eglwysig. Achwynodd ei glerigwyr arno wrth Archesgob Caergaint yn 1697, a fe'i gwysiwyd o flaen llys yr archesgob yn 1698. Llwyddodd ei gefnogwyr i ohirio'r prawf hyd 1700, ac yn 1701 fe'i cafwyd yn euog o simoniaeth a'i amddifadu o'i swydd am chwe mis.