Elfyn John Richards

Ffisegydd o Gymru oedd Elfyn John Richards (28 Rhagfyr 1914 – 7 Medi 1995).

Elfyn John Richards
Ganwyd	28 Rhagfyr 1914  y Barri
Bu farw	7 Medi 1995
Dinasyddiaeth	Cymru
Alma mater	Coleg Sant Ioan, Caergrawnt
Galwedigaeth	military flight engineer, peiriannydd, ffisegydd
Cyflogwr	Prifysgol Southampton

Dyddiau cynnar

Ganwyd yn y Barri ym 1914. Addysgwyd ym Mhrifysgol Aberystwyth ac wedyn ymlaen i Gaergrawnt fel cyn-orthwyr ymchwil i Gwmni Awyrennau Bryste. Ar ôl ei gyfnod ym Mryste gweithiodd yn adran awyrennau'r Labordy Ffisegol Cenedlaethol. Richards oedd prif gynllunydd cynorthwyol Vickers Armstrong ac roedd yn gyfrifol am gynllun yr awyrennau Viking, Viscount a’r VC 10. Roedd hyn yn ystod 1945 a 1950.

Gwaith academaidd

Penodwyd Richards yn Athro Peirianneg Awyrennol ym Mhrifysgol Southampton a phenodwyd ef yn gyfarwyddwr Sefydliad Ymchwil i Sŵn a Dirgryniad. Yn 1959 fe gafodd radd D.Sc Cymru fel cydnabyddiaeth o’i waith a derbyniodd fedalau aur Sefydliad y Peirianwyr sifil a’r Gymdeithas Awyrennol Frenhinol.

Penodwyd ef yn is-ganghellor Prifysgol Loughborough yn 1973.