George Herbert Mead

Athronydd a chymdeithasegydd Americanaidd oedd George Herbert Mead (27 Chwefror 1863 – 26 Ebrill 1931) sydd yn nodedig fel un o arloeswyr Pragmatiaeth a seicoleg gymdeithasol ac am ddatblygu damcaniaeth rhyngweithredaeth symbolaidd.

George Herbert Mead
Ganwyd	27 Chwefror 1863  South Hadley, Massachusetts
Bu farw	30 Ebrill 1931  Chicago
Dinasyddiaeth	Unol Daleithiau America
Alma mater	Prifysgol Harvard Coleg Oberlin Oberlin Academy
Galwedigaeth	athronydd, cymdeithasegydd, seicolegydd, academydd
Cyflogwr	Prifysgol Chicago Prifysgol Michigan
Adnabyddus am	Mind, Self and Society
Gwobr/au	Carus Lectures

Ganed yn South Hadley, Massachusetts. Astudiodd yng Ngholeg Oberlin, Ohio, ac ym Mhrifysgol Harvard. Addysgodd athroniaeth a seicoleg i fyfyrwyr ym Mhrifysgol Michigan o 1891 i 1894, ac ym Mhrifysgol Chicago o 1894 hyd at ei farwolaeth. Bu farw yn Chicago yn 68 oed. Ni ysgrifennodd Mead yr un llyfr yn ystod ei oes, er iddo gyhoeddi sawl erthygl. Wedi ei farwolaeth, golygwyd pedair cyfrol o'i waith, yn seiliedig ar nodiadau ei ddarlithoedd a'i bapurau personol, gan ei fyfyrwyr, a chyhoeddwyd ar ffurf The Philosophy of the Present (1932), Mind, Self, and Society (1934), Movements of Thought in the Nineteenth Century (1936), a The Philosophy of the Act (1938).