Graddfa maint moment

Defnyddir Graddfa maint moment (a dalfyrir o'r enw gwreiddiol arno, sef: moment magnitude scale ac a ddynodir fel M_W) gan seismolegwyr i fesur maint daergrynfeydd yn nhermau'r ynni sy'n cael ei ryddhau ohono. Caiff ei ddiffinio gan fformiwla lle mae'r foment seismig yn hafal i hyblygrwydd y Ddaear wedi'i luosi gyda swm y "llithro" a maint yr ardal a lithrodd. Datblygwyd y raddfa hon yn 1979 gan seismolegwyr o Caltech: Thomas C. Hanks a Hiroo Kanamori i ddisodli'r hen Raddfa Richter (M_L). Y raddfa maint moment yw'r raddfa a ddefnyddir, bellach, drwy'r byd i fesur daeargrynfeydd o faint canolig neu uwch.

Difrod i Argae Shi Gang.

Diffiniad

Y symbol am y raddfa hon yw $M_{\mathrm {w} }$, gyda'r isysgrif $\mathrm {w}$ yn golygu gwaith mecanyddol wedi'i orffen. Mae'r maint maint $M_{\mathrm {w} }$ yn rhif diddeimensiwn (heb uchafswm) sy'n cael ei ddiffinio fel

$M_{\mathrm {w} }=\textstyle {\frac {2}{3}}\log _{10}M_{0}-10.7,$

ble mae $M_{0}$ yn faint y foment seismig mewn centimeters "dyne" (10⁻⁷ N·m). Mae'r gwerthoedd yn yr hafaliad yn cael eu pennu er mwyn cysoni'r raddfa gyda gwerthoedd graddfeydd eraill e.e. y raddfa Richter. Mae un cam ar y raddfa (yn union fel graddfa Richter) yn hafal i 10^1.5 ≈ 32 gwaith y swm o ynni sy'n cael ei ryddhau ac mae symud dau gam ar y raddfa yn cyfystyr i gynnydd o 10³ = 1000 gwaith yr ynni a ryddhawyd.

Gweler hefyd

• Tectoneg platiau
• Ffin Plat Tectonig

Dolennau allanol

• 'Daeargrynfâu yng Nghymru', erthygl ar wefan Amgueddfa Cymru.
• USGS: Mesur daeargrynfeydd Archifwyd 2006-06-15 yn y Peiriant Wayback