Graham Henry
Hyfforddwr Tîm cenedlaethol rygbi'r undeb Seland Newydd a chyn-hyfforddwr Cymru yw Graham Henry (ganed 8 Mehefin 1946).
| Graham Henry | |
|---|---|
 | |
| Ganwyd | 8 Mehefin 1946  Christchurch |
| Dinasyddiaeth | Seland Newydd |
| Alma mater |
|
| Galwedigaeth | pêl-droediwr, cricedwr, chwaraewr rygbi'r undeb, hyfforddwr rygbi'r undeb |
| Gwobr/au | Knight Companion of the New Zealand Order of Merit |
| Chwaraeon | |
| Tîm/au | Canterbury cricket team, Otago cricket team |
Ganed ef yn Christchurch, Seland Newydd, ac astudiodd ym Mhrifysgol Otago cyn mynd yn athro addysg gorfforol ac yn ddiweddarach yn brifathro Ysgol Uwchradd y Bechgyn Kelstons.
Cafodd ei brofiad cyntaf fel hyfforddwr gyda tîm Auckland o 1992 hyd 1997. Enillodd bencampwriaeth y Super 12 gyda Auckland Blues yn 1996 a 1997.
Yn 1998 daeth Henry yn hyfforddwr Cymru; ar y pryd dywedid fod ei goflog yr uchaf o unrhyw hyfforddwr rygbi yn y byd. Gwelwyd gwelliant sylweddol yn y canlyniadau yn ystod ei dymor ef. Apwyntiwyd ef yn hyfforddwr tîm y Llewod ar gyfer y daith i Awstralia yn 2001. Ymddiswyddodd wedi i Gymru golli 54 - 10 i Iwerddon yn 2002, a dychwelodd i Seland Newydd ac Auckland.
Yn 2003, apwyntiwyd ef yn hyfforddwr y Crysau Duon. Curwyd Lloegr, pencampwyr y byd ar y pryd, yn drwm yn ei ddwy gêm gyntaf, ond roedd Seland Newydd yn llai llwyddiannus ym Mhencampwriaeth y Tair Gwlad yn 2004. Gwellodd y canlyniadau y tynoe wedyn, a churwyd y Llewod ymhob un o'r tair gêm brawf yn 2005. Enillodd y Crysau Duon Bencampwriaeth y Tair Gwlad yn 2006.
Disgwylai llawer i Seland Newydd ennill Cwpan Rygbi'r Byd yn 2007, ond curwyd hwy yn annisgwyl gan Ffrainc, 20 - 18. Er i Henry gael ei feirniadu gan rai, ail-apwyntiwyd ef fel hyfforddwr.