Gwgon ap Meurig
brenin olaf teyrnas Ceredigion
Gwgon ap Meurig oedd brenin olaf Teyrnas Ceredigion. Ychydig iawn o wybodaeth bendant sydd ar gael amdano.
| Gwgon ap Meurig | |
|---|---|
| Ganwyd | 808  Teyrnas Ceredigion |
| Bu farw | 872 Penrhyn Gŵyr |
| Dinasyddiaeth |  Cymru |
| Galwedigaeth | brenin neu frenhines |
| Swydd | Seisyllwg |
| Cysylltir gyda | Gwgon Gleddyfrudd |
| Tad | Meurig ap Dyfnwal |
Cyfeirir ato fel Guocaun map Mouric yn y ddogfen Hen Gymraeg a adnabyddir fel Achresau Harley (adran XXVI). Credir y cafodd y ddogfen honno ei llunio yn nheyrnas Deheubarth.
Priododd ei chwaer Angharad y brenin Rhodri Mawr o Wynedd.
Yn ôl yr Annales Cambriae, bu farw Gwgon drwy foddi yn 871.[1]
Mae'n bosibl fod yr arwr traddodiadol Gwgon Gleddyfrudd i'w uniaethu â Gwgon ap Meurig, ond ymddengys yn fwy tebygol ei fod yn hynafiad iddo (os cymeriad hanesyddol ydyw mewn gwirionedd).
Cyfeiriadau golygu
- ↑ (Saesneg) Gwgon ap Meurig. Family Search. Adalwyd ar 4 Mai 2012.