Gwilym Ellis Lane Owen

Athronydd o Gymru oedd Gwilym Ellis Lane Owen (18 Mai 1922 - 10 Gorffennaf 1982) a arbenigodd mewn hanes athroniaeth y Groegiaid. Cyfeirir ato gan amlaf fel Gwil Owen neu G. E. L. Owen.

Gwilym Ellis Lane Owen
Ganwyd	18 Mai 1922  Portsmouth
Bu farw	10 Gorffennaf 1982  Caergrawnt
Dinasyddiaeth	Cymru
Alma mater	Coleg Corpus Christi, Rhydychen
Galwedigaeth	athronydd, academydd
Cyflogwr	Prifysgol Caergrawnt Prifysgol Harvard Prifysgol Rhydychen
Gwobr/au	Cymrawd yr Academi Brydeinig

Bu'n athro prifysgol yn Harvard a Rhydychen. O 1973 hyd ei farw, ef oedd y pedwerydd i ddal cadair Athro mewn Athroniaeth Hynafol Laurence ym Mhrifysgol Caergrawnt. Cafodd ei ethol yn Gymrawd o'r Academi Brydeinig (FRA) yn 1969.

Mae Gwil Owen yn adnabyddus am ei waith ar ddatblygiad athroniaeth Aristotlys a syniadaeth Platon, a gafodd ddylanwad mawr ar yr astudiaeth o athroniaeth yr Henfyd ar draws y byd. Rhoddai blwyslais mawr ar ddull (method) ac ymresymiad (argument) yn lle damcaniaeth ac athrawiaeth.

Llyfryddiaeth

• G. E. L. Owen, Logic, Science and Dialectic (Llundain, 1986).

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.