Henry Thomas

Actor a cherddor Americanaidd yw Henry Jackson Thomas Jr. (ganwyd 9 Medi 1971). Ei ran fawr cyntaf oedd Elliott yn ffilm Steven Spielberg - E.T. the Extra-Terrestrial.

Henry Thomas
Ganwyd	Henry Jackson Thomas  9 Medi 1971  San Antonio
Dinasyddiaeth	Cymru
Alma mater	East Central High School Blinn College
Galwedigaeth	actor, cerddor, actor teledu, actor ffilm, gitarydd, actor llais
Adnabyddus am	E.T. the Extra-Terrestrial
Priod	Marie Zielcke

Bywyd personol

Ganwyd Thomas yn San Antonio, Texas. Mae ei fam, Carolyn L. (née Davies), yn wraig tŷ a roedd ei dad, Henry Jackson Thomas, yn beiriannwr hydrolig. Mynychodd Ysgol Uwchradd East Central a Choleg Blinn.

Mae teulu ei fam yn hannu o ogledd Cymru a teulu ei dad o Sir Gaerfyrddin. Mae'n cefnogi tîm pêl-droed Abertawe ac wedi dysgu ychydig o Gymraeg pan yn ymweld a Chymru.

Gyrfa

Gyrfa actio

Dywedodd Thomas ei fod wedi penderfynu bod yn actor yn wyth oed, ar ôl gwylio rhaglen arbennig am actio ar PBS a sylweddolodd ei fod eisiau dilyn gyrfa yn y maes. Yn dilyn clyweliad agored mewn gwesty yn San Antonio enillodd ran yn ei ffilm gyntaf, Raggedy Man (1981). Yn naw oed, aeth Thomas am glyweliad am y brif rhan yn E.T. the Extra-Terrestrial (1982). Enillodd y rhan drwy roi perfformiad ddagreuol, gan dynnu ar atgof go-iawn o weld ei gi anwes yn cael ei ladd gan gi cymydog. Roedd llwyddiant y ffilm yn fwy na'r disgwyl, a roedd Thomas yn poeni am ymateb eithafol rhai aelodau'r cyhoedd.

Serennodd Thomas ynCloak & Dagger, tra'n mynychu'r ysgol. Dychwelodd i ffilm yn y 1980au hwyr a'r 1990au cynnar gan ddechrau profi ei hun mewn rhannau oedolion, yn fwyaf nodedig fel fersiwn iau o Norman Bates yn Psycho IV: The Beginning, y cymeriad chwaraeodd Anthony Perkins yn wreiddiol. Aeth Thomas i Goleg Blinn (ble astudiodd athroniaeth a hanes) ond gadawodd ar ôl blwyddyn i actio yn llawn amser.

Ei ran oedolyn mwyaf amlwg mor belled oedd fel Samuel Ludlow yn Legends of the Fall (1994). Chwaraeodd Johnny Sirocco yn ffilm hanesyddol Martin Scorsese, Gangs of New York (2002). Chwaraeodd Hank Williams Sr. yn The Last Ride (2011). Yn y gyfres ABC Betrayal, mae'n chwarae T. J. Karsten. Bu hefyd yn chwarae Tom, tad cymeriad Carla Gugino, yn ffilm wreiddiol Netflix Gerald's Game (2017).

Cerddoriaeth

Roedd Thomas yn ysgrifennu caneuon, canu, a chwarae gitâr ar gyfer y band o San Antonio, Texas, The Blue Heelers (a enwyd ar ôl y brîd ci) o ganol i ddiwedd y 1990au. Er na arwyddodd y band i label recordio, cafodd ei albwm hunan-gynhyrchiedig Twister dderbyniad da a cael ei chwarae ar radio drwy'r taleithiau.^{[angen ffynhonnell]} Symudodd i Los Angeles yn 1998, a daeth y band i ben, ond parhaodd Thomas i ysgrifennu a recordio caneuon. Ym 1998, ymddangosodd ei gân "Truckstop Coffi" (a recordiwyd gyda'r Blue Heelers) ar drac sain V2 i'r ffilm Niagara, Niagara, lle ymddangosodd Thomas hefyd.

Yn 2003, Thomas gweithiodd gyda Nikki Sudden ar y gerddoriaeth ar gyfer ffilm Mika Kaurismäki Honey Baby, a oedd yn cynnwys pedwar cân gwreiddiol a ysgrifennwyd ac a berfformiwyd gan Thomas fel y ffug gerddor Tom Brackett. Roedd albwm ar y gweill, ond bu farw Sudden o drawiad ar y galon yn 2006.

Ffilmyddiaeth

Ffilm

Blwyddyn	Teitl	Rhan
1981	Raggedy Man	Harry Jr.
1982	E.T. the Extra-Terrestrial	Elliott
1984	Misunderstood	Andrew
1984	Cloak & Dagger	Davey Osborne
1986	Frog Dreaming	Cody
1989	Valmont	Raphael Danceny
1993	Fire in the Sky	Greg Hayes
1994	Curse of the Starving Class	Wesley Tate
1994	Legends of the Fall	Samuel Ludlow
1997	Bombshell	Buck Hogan
1997	Niagara, Niagara	Seth
1997	Suicide Kings	Avery Chasten
1999	Fever	Nick Parker
2000	A Good Baby	Raymond Toker
2000	All the Pretty Horses	Lacey Rawlins
2001	The Quickie	Alex
2002	Dead in the Water	Jeff
2002	I'm with Lucy	Barry
2002	Gangs of New York	Johnny Sirocco
2003	I Capture the Castle	Simon Cotton
2003	11:14	Jack
2004	Dead Birds	William
2006	The Hard Easy	Paul Weston
2007	The Last Sin Eater	Man of God
2007	Suffering Man's Charity	Eric Rykell
2008	Red Velvet	Aaron
2010	Dear John	Tim
2013	Big Sur	Philip Whalen
2016	Ouija: Origin of Evil	Father Tom Hogan
2017	Gerald's Game	Tom

Teledu

Blwyddyn	Teitl	Rhan	Nodiadau
1990	Psycho IV: The Beginning	Norman Bates Ifanc	Ffilm deledu
1992	A Taste for Killing	Cary Sloan	Ffilm deledu
1995	Indictment: The McMartin Trial	Ray Buckey	Ffilm deledu
1996	Riders of the Purple Sage	Bern Venters	Ffilm deledu
1998	Moby Dick	Ishmael	Ffilm deledu
1999	Happy Face Murders	Dylan McCarthy	Ffilm deledu
2005	Masters of Horror	Jamie	Pennod: "Chocolate"
2006	Desperation	Peter Jackson	Ffilm deledu
2007–2008	Without a Trace	Franklin Romar	2 bennod
2009	CSI: Crime Scene Investigation	Jeremy Kent	Pennod: "If I Had a Hammer"
2011	The Mentalist	Thomas Lisbon	Pennod: "Where in the World is Carmine O'Brien?"
2013–14	Betrayal	T.J. Karsten	13 pennod
2015	Sons of Liberty	John Adams	Cyfres fer
2016	Law & Order: Special Victims Unit	Sean Roberts	Pennod: "Making a Rapist"
2017	Better Things	Robin	Cyfres 2
2018	The Haunting of Hill House

Anrhydeddau

Gwobrau ac enwebiadau ar gyfer actio

Blwyddyn	Gwobrau	Categori	Gwaith	Canlyniad
1982	Gwobr Artist Ifanc	Yr Actor Gorau	Raggedy Man	Enwebwyd
1983	Gwobr Artist Ifanc	Yr Actor Gorau	E.T. the Extra-Terrestrial	Buddugol
	Gwobrau Ffilm Yr Academi Brydeinig	Newydd-ddyfodiad Mwyaf Addawol i Prif Rhan Ffilm		Enwebwyd
	Gwobrau'r Golden Globe	Yr Actor Gorau		Enwebwyd
	Gwobr Saturn	Yr Actor Gorau		Enwebwyd
1985	Gwobr Artist Ifanc	Yr Actor Gorau	Cloak & Dagger	Enwebwyd
1996	Gwobrau'r Golden Globe	Actor cefnogol gorau - Cyfres, Cyfres fer neu Ffilm Deledu	Indictment: The McMartin Trial	Enwebwyd

Anrhydeddau eraill

• VH1's "100 Greatest kid Stars"
• 2005, safle #4, E!'s "50 Cutest Child Stars All Grown-up"

Llyfryddiaeth

• Holmstrom, John. The Moving Picture Boy: An International Encyclopaedia from 1895 to 1995, Norwich, Michael Russell, 1996, p. 387-388.

Dolenni allanol

• Henry Thomas ar Myspace
• Henry Thomas ar wefan Internet Movie Database