Huey Long

Gwleidydd Americanaidd oedd Huey Pierce Long (30 Awst 1893 – 10 Medi 1935) a fu'n Llywodraethwr Louisiana o 1928 i 1932 ac yn aelod o Senedd yr Unol Daleithiau o 1932 nes iddo gael ei lofruddio yn 1935. Roedd yn ffigur hynod o ddadleuol, yn boblydd tanbaid a gafodd ei ystyried yn ddemagog gan rai.

Huey Long
Y Seneddwr Huey Long yn siarad (c. 1933–35).
Ganwyd	Huey Pierce Long, Jr.  30 Awst 1893  Winnfield, Louisiana
Bu farw	10 Medi 1935  o anaf balistig  Baton Rouge
Dinasyddiaeth	Unol Daleithiau America
Alma mater	Prifysgol Tulane Prifysgol Oklahoma Tulane University Law School
Galwedigaeth	gwleidydd, cyfreithiwr
Swydd	Governor of Louisiana, Seneddwr yr Unol Daleithiau, Seneddwr yr Unol Daleithiau, Seneddwr yr Unol Daleithiau
Plaid Wleidyddol	plaid Ddemocrataidd
Priod	Rose McConnell Long
Plant	Russell B. Long
llofnod

Ganed ger Winnfield, Louisiana. Astudiodd y gyfraith a chafodd ei ethol i gomisiwn rheilffyrdd Louisiana yn 25 oed. Ymgyrchodd yn etholiad y llywodraethwr yn gyntaf yn 1924, ac yn 1928 cafodd ei ethol i'r swydd honno yn aelod o'r Blaid Ddemocrataidd. Er iddo adael llywodraeth Louisiana yn 1932 i gynrychioli'r dalaith yn Washington, D.C., fe benododd ei olynwyr er mwyn iddo allu rheoli Louisiana, fel unben bron. Saethwyd Long yn farw gan feddyg o'r enw Carl Weiss yn Senedd-dy Taleithiol Louisiana yn Baton Rouge.

Darllen pellach

• William Ivy Hair, The Kingfish and His Realm: The Life and Times of Huey P. Long (Baton Rouge: Louisiana State University Press, 1992).
• Richard D. White, Kingfish: The Reign of Huey P. Long (Efrog Newydd: Random House, 2006).
• T. Harry Williams, Huey Long: A Biography (Efrog Newydd: Alfred A. Knopf, 1969).