Jacob van Ruisdael

Roedd Jacob Isaackszoon van Ruisdael (Ynganiad Iseldireg: [ˈjaːkɔp vɑn ˈrœysdaːl] (gwrando); t. 1629 – 10 Mawrth 1682) yn un o gewri 'Oes Aur Paentio yn yr Iseldiroedd'. Roedd hefyd yn arlunydd hynod o doreithiog a allai addasu i'w amgylchiadau, ond arbenigai mewn tirluniau.

Jacob van Ruisdael
Ganwyd	Jacob Isaackszoon Van Ruisdael  1628  Haarlem
Bu farw	10 Mawrth 1682, 14 Mawrth 1682, 14 Mehefin 1682  Haarlem
Dinasyddiaeth	Yr Iseldiroedd
Galwedigaeth	arlunydd, gwneuthurwr printiau, paentiwr tirluniau, ysgythrwr, arlunydd graffig, drafftsmon
Adnabyddus am	Castell Bentheim, Mynwent yr Iddewon, Llafn o Olau, Melin Wynt yn Wijk bij Duurstede
Arddull	celf tirlun
Mudiad	paentiadau Baróc
Tad	Isaack van Ruisdael
Perthnasau	Jacob Salomonsz van Ruysdael, Salomon van Ruysdael
llofnod

Roedd tri o'i deulu'n arlunwyr deheuig, gan gynnwys ei dad Isaack van Ruisdael, ei ewyrth adnabyddus Salomon van Ruysdael a'i gefnder a alwyd hefyd yn Jacob Salomonsz van Ruysdael. Nid yw pob llun o'r cyfnod wedi'i arwyddo, na'i ddyddio, a gall adnabod perchnogaeth rhai o'r lluniau fod yn faen tramgwydd i'r beirniad celf.

O 1646 ymlaen, tirluniau o'r Iseldiroedd oedd thema'r rhan fwyaf o baentiadau Ruisdael, a'r rheiny o safon uchel. Yna daeth cyfnod o ddylanwad Almaenig, wedi iddo ymweld â'r wlad honno, gyda'r paentiadau'n fwy 'arwrol'. Ar ddiwedd ei oes, wrth weithio o Amsterdam, cafwyd tirluniau mwy dinesig eu naws a golygfeydd glan y môr, lle roedd yr awyr yn aml yn cymryd dros ddau draean o'r llun. Ei unig ddisgybl nodedig y gwyddom amdano oedd Meindert Hobbema.

Ychydig iawn y teithiodd, gyda'r rhan fwyaf o'i waith yn yr Iseldiroedd a'r Almaen, ac er bod ganddo nifer o dirluniau o Norwy, nid oes tystiolaeth iddo erioed deithio yno.

• 
  Golygfa o Egmond aan Zee
• 
  Mynwent yr Iddewon
• 
  Melin Wynt Wijk bij Duurstede

Gweler hefyd

• Rhestr o luniau gan Jacob van Ruisdael