Cricedwr Cymreig oedd James Edward 'Jim' Pleass (21 Mai 192316 Chwefror 2016) Roedd yn fatiwr llaw dde.

Jim Pleass
Ganwyd21 Mai 1923 Edit this on Wikidata
Caerdydd Edit this on Wikidata
Bu farw16 Chwefror 2016 Edit this on Wikidata
DinasyddiaethBaner Cymru Cymru
Galwedigaethcricedwr Edit this on Wikidata
Chwaraeon
Tîm/auClwb Criced Morgannwg Edit this on Wikidata
Gwlad chwaraeonCymru Edit this on Wikidata

Ganwyd Pleass yng Nghaerdydd, Sir Forgannwg ac yn ddyn ifanc roedd yn bêl-droediwr digon dawnus i gael treial gyda chlwb pêl-droed Chaerdydd.[1].

Cychwynnodd Pleass ei yrfa criced dosbarth-cyntaf ar gyfer Clwb Criced Morgannwg ym Mhencampwriaeth Sirol 1947 yn erbyn Derbyshire. Chwaraeodd griced dosbarth-cyntaf i Forgannwg am bron i ddegawd, gan ymddangos 171 o weithiau, gyda'i ymddangosiad olaf yn erbyn Warwickshire ym Mhencampwriaeth Sirol 1956.[2] Roedd Pleass yn fatiwr ymosodol canol y rhestr,[3] a sgoriodd gyfanswm o 4,293 rhediad ar gyfartaledd o 19.33.[4] Sgoriodd unarddeg hanner canrif, tra daeth ei unig ganrif, sgôr o 102 ddim allan, yn erbyn Yorkshire yn 1955, gan sicrhau buddugoliaeth gyntaf Morgannwg yn erbyn Yorkshire yn y sir honno.[5] Daeth ei gyfnod mwyaf llwyddiannus yn 1950, pan wnaeth 28 ymddangosiad dosbarth-cyntaf, gan sgorio 740 rhediad ar gyfartaledd o 24.66.[6] Roedd yn faeswr da,[3] a daliodd 77 pêl yn y maes.[4]

Yn dilyn ei ymddeoliad o griced dosbarth-cyntaf yn 1956, aeth Pleass i fyd busnes yng Nghaerdydd. Fe wasanaethodd ar bwyllgor Morgannwg, yn ogystal â bod yn ysgrifennydd i Gymdeithas Cyn Chwaraewyr Morgannwg.[3] Bu farw Pleass yng Nghaerdydd yn Chwefror 2016. Yn 92 oed, fe oedd yr aelod byw olaf o dîm Morgannwg a enillodd Bencampwriaeth Sirol 1948.[7]

Cyfeiriadau golygu

  1. Teyrngedau i Jim Pleass , Golwg360, 21 Chwefror 2016.
  2. "First-Class Matches played by Jim Pleass". CricketArchive. Cyrchwyd 15 February 2012.
  3. 3.0 3.1 3.2 Hignell, Dr. A.K. (2003). "Brief profile of Jim Pleass". CricketArchive. Cyrchwyd 15 February 2012.
  4. 4.0 4.1 "First-class Batting and Fielding For Each Team by Jim Pleass". CricketArchive. Cyrchwyd 15 February 2012.
  5. "Yorkshire v Glamorgan, 1954 County Championship". CricketArchive. Cyrchwyd 15 February 2012.
  6. "First-class Batting and Fielding in Each Season by Jim Pleass". CricketArchive. Cyrchwyd 15 February 2012.
  7. Glamorgan county championship winning legend Jim Pleass dies aged 92 , walesonline.co.uk, 20 Chwefror 2016. Cyrchwyd ar 21 Chwefror 2016.

Dolenni allanol golygu