Kaddish (cerdd)

Cerdd a ysgrifennwyd gan yr awdur bitnicaidd Allen Ginsberg yw "Kaddish", a adwaenir hefyd fel "Kaddish for Naomi Ginsberg 1894-1956", am ei fam Naomi a'i marwolaeth ar 9 Mehefin 1956.

Kaddish

Enghraifft o'r canlynol	cerdd
Awdur	Allen Ginsberg
Iaith	Saesneg
Dyddiad cyhoeddi	1961
Genre	barddoniaeth

Cefndir

Dechreuodd Ginsberg gyfansoddi'r gerdd ym Mharis yn 1957 ac fe'i cwblhawyd yn Efrog Newydd yn 1959. Cyhoeddwyd y gerdd yn y casgliad Kaddish and Other Poems (1961)

Nodiadau

Cyfeiria'r teitl, Kaddish, at alarnad Iddewig a genir wedi marwolaeth Iddew, ac sydd yn santeiddio enw Duw. Mae'r gerdd hir hon yn ymgais gan Ginsberg i alaru tranc ei fam ond hefyd i adlewyrchu ei deimlad o golled yn ei ymddieithrio oddi wrth ei grefydd enedigol. Ni cheir yr un cyfeiriad at farwolaeth yn y Kaddish traddodiadol, tra bo cerdd Ginsberg yn frith o synfyfyrion a chwestiynau am farwolaeth.