Llewelyn Gwyn Chambers

Dr. Ll. Gwyn Chambers DSc (11 Chwefror 1924 – 9 Rhagfyr 2014) oedd un o sefydlwyr y cylchgrawn Cymraeg Y Gwyddonydd ym Mawrth 1963. Fe'i ganed yn Hornchurch, Essex a'i addysgu yn Ysgol Haberdashers' Aske's yn Elstree ac yn Ysgol Ramadeg Porthmadog. Graddiodd o Goleg Prifysgol Gogledd Cymru, Bangor yn 1944. Bu'n gweithio ar ymchwil wyddonol yn y lluoedd arfog cyn cael gwaith fel darlithydd yn y coleg milwrol yn Shrivenham. O'r 1950au hyd at ei ymddeoliad bu'n ddarlithydd ym Mangor.

Llewelyn Gwyn Chambers
Ganwyd	11 Chwefror 1924
Bu farw	9 Rhagfyr 2014
Dinasyddiaeth	Cymru
Galwedigaeth	gwyddonydd

Y Gwyddonydd

Ymddangosodd y cyfnodolyn Y Gwyddonydd am y tro cyntaf ar Ddydd Gŵyl Dewi 1963, gyda chyhoeddiadau cyson hyd at 1996. Yr Athro Glyn O Phillips oedd y golygydd rhwng 1963 a 1993. "Fe'i sefydlwyd er mwyn dangos fod ymdrin â pynciau gwyddonol a thechnolegol o bob math drwy gyfrwng y Gymraeg yn gwbwl bosibl" yn ôl Dr Hefin Jones. Nifwl troellog trobwll yng nghytser Canes Venatica oedd y llun ar glawr y rhifyn cyntaf.

Llyfryddiaeth

• A course of Vector Analysis (1960)
• Introduction to the Mathematics of Electricity and Magnetism (1973)
• Integral Equations: a short course (1976)
• A Generalised Coordinates (1985)
• Ystadegaeth Elfennol (1991)
• Mathemategwyr Cymru (1994)