Llywelyn ap Madog

Llywelyn ap Madog (m. 1160) oedd mab hynaf ac etifedd y tywysog Madog ap Maredudd o Bowys.

Llywelyn ap Madog
Ganwyd	12 g
Bu farw	1160
Tad	Madog ap Maredudd
Mam	Siwsana ferch Gruffudd

Gweler hefyd Llywelyn ap Madog, Esgob Llanelwy.

Bywgraffiad

Ychydig iawn a wyddys amadano. Bu farw mewn brwydr yn fuan ar ôl marwolaeth ei dad yn 1160.

Ceir dwy gerdd o foliant i Lywelyn ap Madog a briodolir i Llywarch y Nam a Llywarch Llaety (fl. 1160 ill dau). Cerdd i ddiolch i Lywelyn ap Madog am rodd o gŵn hela mewn cyfres o englynion yw'r testun a briodolir i Lywarch y Nam. Mae cerdd Llywarch Llaety yn anfon march i ofyn cyfres o gwestiynau rhethregol am filwriaeth Llywelyn. Yn anffodus nid yw'r cerddi yn ychwanegu llawer at ein gwybodaeth am Lywelyn.

Llyfryddiaeth

• Nerys Ann Jones (gol.), 'Gwaith Llywarch y Nam' a 'Gwaith Llywarch Llaety', yn Kathleen A. Bramley et al. (gol.), Gwaith Llywelyn Fardd I ac eraill o feirdd y ddeuddegfed ganrif (Gwasg Prifysgol Cymru, Caerdydd, 1994). 'Cyfres Beirdd y Tywysogion.'