Lorem ipsum
Mewn cyhoeddi a dylunio graffeg, mae Lorem ipsum yn destun sy'n cael ei ddefnyddio i ddangos ffurf weledol dogfen heb ddibynnu ar gynnwys ystyrlon (a elwir hefyd yn 'groegio'). Mae defnyddio'r math hwn o destun yn rhoi cyfle i ddylunwyr ddylunio ffurf y cynnwys cyn i'r cynnwys ei hun gael ei gynhyrchu.
Mae testun y lorem ipsum fel arfer yn tarddu o De finibus bonorum et malorum, testun Lladin o'r 1g gan Cicero, gyda'r geiriau wedi'u newid, eu hychwanegu, a'u symud i wneud Lladin diystyr, amhriodol.
Mae amrywiad o destun lorem ipsum cyffredin wedi'i ddefnyddio i gysodi ers y 1960au neu ynghynt, pan gafodd ei boblogeiddio gan hysbysebion ar gyfer taflenni trosglwyddo Letraset. Fe'i cyflwynwyd i'r oes wybodaeth yng nghanol y 1980au gan Aldus Corporation, a'i defnyddiodd mewn templedi graffeg a phrosesu geiriau ar gyfer ei raglen PageMaker.
Testun enghreifftiol
golyguMae ffurf gyffredin o lorem ipsum yn edrych fel hyn:
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.
Darganfod
golyguMae testun "lorem ipsum" yn deillio o adrannau 1.10.33 o De finibus bonorum et malorum gan Cicero.[1]
Nid yw'n hysbys pryd yn union y cafodd y testun ei ffurf safonol gyfredol; efallai ei fod wedi bod mor hwyr â'r 1960au. Darganfu Dr. Richard McClintock, ysgolhaig Lladin a oedd yn gyfarwyddwr cyhoeddiadau yng Ngholeg Hampden-Sydney yn Virginia, ffynhonnell y testun rywbryd cyn 1982 wrth chwilio am enghreifftiau o'r gair Lladin "consectetur" (yn golygu "y mae [ef/hi] yn mynd ar drywydd"), a ddefnyddir yn anaml mewn llenyddiaeth glasurol.[2][a] Efallai mai ffynhonnell ffisegol y testun lorem ipsum yw Argraffiad 1914 Llyfrgell Glasurol Loeb o De Finibus, lle mae'r testun Lladin, a gyflwynir ar y tudalennau chwith, yn torri i ffwrdd ar dudalen 34 gyda " Neque porro quisquam est qui do- " ac yn parhau ar dudalen 36 gyda " lorem ipsum ... ", sy'n awgrymu teip y dudalen honno wedi'i chymysgu i wneud y testun ffug heddiw.[4]
Amrywiadau
golyguErbyn heddiw, mae llawer o broseswyr geiriau poblogaidd yn defnyddio'r fformat lorem ipsum yn y modd hwn. Mae meddalwedd Pages a Keynote Apple yn defnyddio testun cymysg o'r fath. Mae lorem ipsum hefyd yn ymddangos ar Joomla!, Google Docs, a rheolwyr cynnwys gwe WordPress. Mae Microsoft Word[5] a BBEdit hefyd yn cynhyrchu lorem ipsum. Mae sawl pecyn LaTeX cynhyrchu testun mewn ffurf lorem ipsum.[6][7]
Cyfeiriadau
golygu- ↑ "Description of the "Lorem ipsum dolor sit amet" text that appears in Word Help". Microsoft. Cyrchwyd 22 Mawrth 2007.
- ↑ Adams, Cecil (February 2001), What does the filler text "lorem ipsum" mean?, The Straight Dope, http://www.straightdope.com/columns/read/2290/, adalwyd 2019-07-02
- ↑ Bray, Kurt (5 Hydref 1995). "Subject: Re: Pig Latin Dialects". Georgetown University.
- ↑ Cibois, Philippe (3 Mehefin 2012). "Lorem ipsum: nouvel état de la question". L'intelligence du monde. L'Institut français. Cyrchwyd 7 Ebrill 2017.
- ↑ "How to insert sample text into a document in Word". Microsoft Support. 18 Medi 2011. Cyrchwyd 14 Tachwedd 2011.
- ↑ "LaTeX lipsum package". Cyrchwyd 23 Medi 2017.
- ↑ "LaTeX blind text package". Cyrchwyd 23 Medi 2017.
Nodiadau
golygu- ↑ The information was first published early in 1994 in a letter to the editor of Before & After magazine in volume 4 issue 1 of the publication, contesting the editor's earlier claim that lorem ipsum had no meaning.[3]