Lowri Evans
Cantores Gymreig o Drefdraeth, Sir Benfro yw Lowri Evans. Mae hi'n canu gwerin fodern a mae hi wedi bod wrthi'n brysur yn rhyddhau recordiau ac yn perfformio yn y Gymraeg a'r Saesneg. Fel arfer mae hi'n perfformio gyda ei phartner cerddorol, Lee Mason.[1]
Graddiodd mewn cerddoriaeth yn Newcastle upon Tyne.[1]
Bellach yn ffigwr amlwg yn y sîn gwerin traddodiadol mae'n ymddangos yn gyson ar lwyfannau prif wyliau Cymru a thu hwnt gan gynnwys Gŵyl y Dyn Gwyrdd, Gŵyl Wychwood, Oxjam Caerdydd, Gŵyl Gwerin Priddy, Sesiwn Fawr Dolgellau, Gŵyl y Cenhedloedd Bychain, Gŵyl Acwstig Prydain a'r Llangollen Fringe.
Cafodd ei halbwm gyntaf Clyw Sibrydion yn ystod 2006,[1] ei ryddhau o dan label Rasp. Ers hynny mae Lowri wedi rhyddhau EPau yn y Gymraeg yn cynnwys Dim Da Maria a Disgleirio.
Yn 2010 cafodd Lowri ei enwebu ar gyfer 'artist benywaidd y flwyddyn' yng ngwobrau Roc a Phop Radio Cymru.
Yn erbyn 2017 roedd hi wedi rhyddhau chwe albwm. Yn y flwyddyn honno rhyddhaodd albwm o hoff draciau, A Little Bit of Everything.[1]
Disgyddiaeth
golygu- Clyw Sibrydion (2006)
- Dim Da Maria EP
- Disgleirio EP
Cyfeiriadau
golygu- ↑ 1.0 1.1 1.2 1.3 (Saesneg) McFadyen, Neil (2 Mai 2017). Lowri Evans & Lee Mason: A Little Bit of Everything. KLOF Mag. Adalwyd ar 14 Awst 2024.