Ludwig von Kahlen

Milwr a ffermwr o Ddenmarc oedd Ludwig (von) Kahlen (c.1700–1774). Mae'r ffilm "Bastarden" (2023) yn seiliedig ar ei brofiadau. Ludwig Kahlen yw prif gymeriad nofel Ida Jessen, The Captain and Ann Barbara (2020), ac mae'r nofel yn trafod ei brosiect i drin rhostir.

Ludwig von Kahlen
Ganwyd	1700
Bu farw	1774
Dinasyddiaeth	Denmarc  Yr Almaen
Galwedigaeth	landinspektør

Cafodd Kahlen ei eni yn Lauenburg yn yr Almaen. Yn 1753 roedd yn gweithio fel is-gapten, ac roedd yn ymddiddori yn amaethu'r gweundir. Anfonodd sawl cynnig ar gyfer ariannu ffermydd rhostir i'r Rentekammeret, ond dim ond pan gyflwynodd gyfrifiadau manylach a oedd yn cynnwys gwladychwyr o'i ranbarth enedigol y cafodd ymateb. Cymeradwywyd ei gynnig gan Frederik V, brenin Denmarc. Rhoddodd y gorau i'w yrfa filwrol i ymsefydlu ar y rhos ac adeiladu tŷ iddo'i hun, a alwodd yn "Dŷ'r Brenin".

Llwyddodd i dyfu tatws yn rhostir diffrwyth Jylland. Cyrhaeddodd gwladychwyr o'r Almaen yn 1759; roedden nhw eisiau dychwelyd adref ar ôl dim ond wythnos. Roedd Kahlen wedyn yn cyflogi gweision lleol, ond collon nhw ddewrder hefyd. Wedi wyth mlynedd o aredig a hau heb fawr o gynnyrch, rhoddodd y ffidil yn y to. Yn 1766, daeth yn gapten ar uned filwrol yn Fladstrand (Frederikshavn bellach), ac yno y bu farw yn 1774.