Nofel enwocaf Gustave Flaubert ydy Madame Bovary; cyhoeddwyd pennod gyntaf y stori ar 1 Hydref 1856 yn La Revue de Paris. Cafwyd sgandal fawr pan gyhoeddwyd y nofel ac achos llys yn erbyn Flaubert a'r cyhoeddwyr am "lygru moesoldeb y cyhoedd".[1]

Madame Bovary 1857 (hi-res).jpg
Tudalen teitl y rhifyn Ffrangeg gwreiddiol, 1857
Data cyffredinol
Enghraifft o'r canlynol gwaith ysgrifenedig Edit this on Wikidata
Awdur Gustave Flaubert
Cyhoeddwr Revue de Paris (cyfres) & Michel Lévy Frères (ar ffurf llyfr, 2 Gyfrol)
Gwlad Ffrainc
Iaith Ffrangeg
Dyddiad cyhoeddi 1857 Edit this on Wikidata
Dechrau/Sefydlu 1856 Edit this on Wikidata
Genre Nofel realydd, Llenyddiaeth erotig
Lleoliad cyhoeddi Ffrainc Edit this on Wikidata
Statws hawlfraint parth cyhoeddus, parth cyhoeddus Edit this on Wikidata
Tudalen Comin Ffeiliau perthnasol ar Gomin Wicimedia

CynllunGolygu

Lleolir y nofel yn nhref ddychmygol 'Yonville' ger Rouen, Normandi. Mae arwres y nofel, Emma Roualt, yn cael ei magu mewn cwfaint ac mae'n ei adael gyda'i phen yn llawn o grefyddoldeb sentimental a breuddwydion rhamantaidd am fywyd moethus a chariadon Byronaidd. Mae hi'n priodi Charles Bovary, meddyg gwledig mewn tref fach ger Rouen, ond yn syrffedu ar fywyd mewn lle mor ddinod a chwmni gŵr addolgar ond diddychymyg, sef y gwrthwyneb i'r syniadau rhamantaidd am briodas a chariad a gafodd yn y nofelau poblogaidd a ddarllenai yn y cwfaint. Mae'n syrthio mewn cariad a sgwier lleol golygus ond cyn hir mae ef yn diflasu ar ei chwmni ac yn ei gadael. Caiff garwriaeth arall gyda chlerc i gyfreithwyr ond ni all ef ddioddef ei syniadau rhamantaidd pen yn y gwynt. Yn y cyfamser mae hi wedi disgyn mewn dyled sylweddol trwy wario'n afradlon er mwyn plesio ei chariad ac mae'r un â'r dyled iddo yn bygwth datgelu popeth i'w gŵr os na chaiff ei dalu. Mewn braw a digalondid, mae hi'n lladd ei hun trwy gymryd arsenig.

CyfeiriadauGolygu

  1. Syr Paul Harvey (gol.), The Oxford Campanion to French Literature (1969).
  Eginyn erthygl sydd uchod am lenyddiaeth. Gallwch helpu Wicipedia drwy ychwanegu ato.