Marlene Streeruwitz

Awdures o Awstria yw Marlene Streeruwitz (ganwyd 28 Mehefin 1950) sy'n cael ei hystyried yn nodedig am ei gwaith fel awdur, actor, cyfarwyddwr theatr ac awdur.

Marlene Streeruwitz
Ffugenw	Nelia Fehn
Ganwyd	28 Mehefin 1950  Baden bei Wien
Dinasyddiaeth	Awstria
Galwedigaeth	actor, cyfarwyddwr theatr, ysgrifennwr, awdur ffuglen wyddonol
Arddull	nofel, drama, utopian and dystopian fiction
Tad	Viktor Wallner
Gwobr/au	Gwobr Lenyddol Hasenclever Walter, Gwobr Hermann-Hesse, Gwobr Llenyddiaeth Dinas Bremen, Gwobr Franz-Nabl, Gwobr Droste, Gwobr Celf Awstria ar gyfer Llenyddiaeth, Gwobr Lenyddiaeth Dinas Vienna, Peter Rosegger award, Brüder-Grimm-Poetikprofessur

Ganwyd Marlene Streeruwitz i deulu cefnog yn Awstria, yn Baden bei Wien. Roedd ei thad yn wleidydd ac yn ddiweddarach daeth yn faer y dref. Dechreuodd ei diddordeb mewn llenydda yn dilyn ei hysgariad, er na chyhoeddodd unrhywbeth am rhyw 14 mlynedd arall. Gwnaeth enw iddi ei hun fel awdur y ddrama radio Kaiserklamm. Und. Kirchenwirt (1989) ac yn arbennig felly yn dilyn llwyddiant y dramâu Waikiki-Beach a Sloane Square gafodd eu llwyfannu yn Cologne. Derbyniodd sawl gwobr am ei gwaith, yn cynnwys yr Hermann-Hesse-Preis (2001), Literaturpreis der Stadt Wien (Gwobr Llên gan Ddinas Fiena, 2001) a'r Droste-Preis (2009).

Astudiodd y Gyfraith a Ieithoedd Slafaig ym Mhrifysgol Fienna, ond rhoddodd y gorau i'w hastudiaethau er mwyn priodi a magu teulu. Yn ogystal â bod yn ddramodydd llwyddiannus, y mae hi hefyd yn adnabyddus fel bardd, ac am ddarllen ei gweithiau ei hun megis Sein. Und Schein. Und Erscheinen (1997) a Können. Mögen. Dürfen. Sollen. Wollen. Müssen. Lassen (1998) yn Tübingen a Frankfurt. Cyhoeddodd hefyd nofelau a straeon byrion.