Martin Johnes

Hanesydd o Gymro yw Martin Johnes sydd yn arbenigo mewn hanes chwaraeon ac hanes modern Cymru. Mae'n dal swydd Athro Hanes Modern ym Mhrifysgol Abertawe.

Martin Johnes
Galwedigaeth	hanesydd, academydd
Cyflogwr	Prifysgol Abertawe
Gwefan	https://martinjohnes.com/

Cafodd ei fagu yng ngogledd Sir Benfro. Derbyniodd ei radd baglor a'i ddoethuriaeth o Brifysgol Caerdydd. Yn 1998–2000 gweithiodd yn swyddog ymchwil, dan gyfarwyddiaeth yr Athro Iain McLean, ar brosiect i ymchwilio i ymateb llywodraeth y Deyrnas Unedig i drychineb Aberfan. Yn 2002 enillodd Wobr Lenyddol yr Arglwydd Aberdâr, o Gymdeithas Brydeinig Hanes Chwaraeon, am ei lyfr Soccer and Society. Gweithiodd yn ddarlithydd yng Ngholeg St Martin (bellach Prifysgol Cumbria) cyn iddo ymuno â chyfadran hanes Prifysgol Abertawe yn 2006.

Llyfryddiaeth

• Gydag Iain McLean, Aberfan: Government and Disasters (Caerdydd: Welsh Academic Press, 2000).
• Soccer and Society: South Wales, 1900–1939 (Caerdydd: Gwasg Prifysgol Cymru, 2002).
• Wales Since 1939 (Manceinion: Manchester University Press, 2004).
• A History of Sport in Wales (Caerdydd: Gwasg Prifysgol Cymru, 2005).
• "'Heads in the Sand': Football, Politics and Crowd Disasters in Twentieth-Century Britain" yn Soccer and Disaster: International Perspectives, golygwyd gan Paul Darby, Martin Johnes, a Gavin Mellor (Abingdon, Swydd Rydychen: Routledge, 2005), tt. 10–27.
• Christmas and the British: A Modern History (Llundain: Bloomsbury Academic, 2016).
• "Anglo-Welsh football relations" yn Sport and English National Identity in a 'Disunited Kingdom', golygwyd gan Tom Gibbons a Dominic Malcolm (Llundain: Routledge, 2017), tt. 184–97.
• Wales: England's Colony? (Aberteifi: Parthian Books, 2019).

Dolenni allanol

• (Saesneg) Gwefan swyddogol
• Martin Johnes ar Twitter