Twitter

gwefan rwydweithio cymdeithasol a meicro-flogio

Gwefan rwydweithio cymdeithasol a meicro-flogio yw Twitter, sy'n cael ei ail-frandio fel X[1] (weithiau Trydar mewn Cymraeg answyddogol). Mae'n caniatau defnyddwyr anfon a darllen negeseuon defnyddwyr eraill (a elwir yn tweets yn y Saesneg), a phostio lluniau/fideos. Arddangosir y negeseuon ar dudalen broffil yr awdur a chânt eu dosbarthu i danysgrifwyr yr awdur a elwir yn ddilynwyr

Twitter
Enghraifft o'r canlynolgwasanaeth rhwydweithio cymdeithasol, meicroflogio, user-generated content platform Edit this on Wikidata
CrëwrJack Dorsey Edit this on Wikidata
CyhoeddwrX Corp. Edit this on Wikidata
Iaithieithoedd lluosog Edit this on Wikidata
Dechrau/Sefydlu21 Mawrth 2006 Edit this on Wikidata
PerchennogX Corp. Edit this on Wikidata
Prif weithredwrLinda Yaccarino Edit this on Wikidata
GweithredwrX Corp. Edit this on Wikidata
SylfaenyddJack Dorsey, Noah Glass, Biz Stone, Evan Williams Edit this on Wikidata
OlynyddEdit this on Wikidata
PencadlysSan Francisco Edit this on Wikidata
Enw brodorolTwitter Edit this on Wikidata
GwladwriaethUnol Daleithiau America Edit this on Wikidata
Gwefanhttps://twitter.com Edit this on Wikidata
Tudalen Comin Ffeiliau perthnasol ar Gomin Wicimedia

Hanes Golygu

Ers i'r gwasanaeth gael ei greu yn 2006 gan Jack Dorsey, daeth Twitter yn wasanaeth poblogaidd a dylanwadol, er fod nifer y defnyddwyr yn llai na gwasanaethau cyfatebol fel Facebook a Instagram. Weithiau caiff ei ddisgrifio fel "negeseuon testun y rhyngrwyd".[2]

Ar y cychwyn roedd cyfyngiad o 140 nod neu lai i bob neges, er mwyn cymhathu gyda negeseuon SMS - fe ehangwyd hyn i 280 nod yn 2017. Mae'r gwasanaeth sylfaenol am ddim ac yn cynnwys hysbysebion o fewn y ffrwd negeseuon. Ers 2021 gall defnyddwyr dalu tanysgrifiad i cael nodweddion uwch yn cynnwys postio negeseuon hyd at 4000 nod. Gall yr awdur gyfyngu ar bwy sy'n gweld ei negeseuon, neu gall ganiatáu i bawb eu gweld. Ers diwedd 2009, gall defnyddwyr ddilyn rhestrau o awduron yn hytrach na dilyn awduron unigol.[3] Gall defnyddiwr bostio drwy wefan Twitter, yr ap swyddogol ar ddyfeisiau symudol a Tweetdeck. Diddymwyd y dull negeseuon testun yn 2020.

Prynwyd y cwmni gan Elon Musk yn Hydref 2022 am $44 biliwn.[4] Ers hynny gwnaed nifer o benderfyniadau dadleuol gan Musk yn cynnwys diswyddo canran sylweddol o'r staff er mwyn arbed arian.[5] Yn ogystal, tynnwyd mynediad am ddim i API Twitter, gan orfodi pob ap allanol i gau lawr. Yng Ngorffennaf 2023 cychwynodd y gwaith o ail-frandio y gwasanaeth fel X.[1]

Hashnod Golygu

Fe wnaeth Twitter boblogeiddio'r arfer o roi hashnod cyn gair neu dalfyriad er mwyn creu cymuned o ddiddordeb o gylch pwnc neu ddigwyddiad benodol. Mae'r defnydd o'r hashnod hefyd wedi ei ddefnyddio i boblogeiddio ymgyrchoedd gwleidyddol yn ogysal â hybu busnes. Nid oes modd defnyddio marciau atalnodi fel symbolau yr ebychnod fel rhan o'r gair yn yr hashnod.

Cyfrifon Cymraeg Golygu

Mae gan Wici Cymru gyfri trydar (@WiciCymru) sy'n ymgyrchu dros ryddhau gwybodaeth ar drwydded agored ac yn cefnogi prosiect Wicimedia, gan gynnwys y Wicipedia. Ceir hefyd @Wicipedia - sy'n drydariad awtomatig, sy'n hysbysu ei ddilynwyr o erthyglau newydd.

Yn y Gymraeg, yr hashnod gyson mwyaf poblogaidd ei ddefnydd yw hashnod #yagym ('Yr Awr Gymraeg') a weinyddir gan gyfrif @YrAwrGymraeg gan Huw Marshall.

Gweler hefyd Golygu

Ffynonellau Golygu

  1. 1.0 1.1 Binder, Matt (July 24, 2023). "Twitter's rebrand to X has its website looking like a mess". Mashable SEA (yn Saesneg). Cyrchwyd July 27, 2023.
  2. Swine flu's tweet tweet causes online flutter 29 Ebrill 2009. Leslie D'Monte. Business Standard. Adalwyd ar 29 Mai 2009
  3. There's a List for That blog.twitter.com. 30 Hydref 2009. Adalwyd ar 1 Chwefror 2010
  4. "Elon Musk takes control of Twitter in $44bn deal". BBC News (yn Saesneg). 2022-10-28. Cyrchwyd 2023-08-02.
  5. https://www.facebook.com/bbcnews (2022-11-04). "Twitter latest news: Twitter sackings begin as Elon Musk seeks to cut costs". BBC News (yn Saesneg). Cyrchwyd 2023-08-02.

Dolenni allanol Golygu

  Eginyn erthygl sydd uchod am y rhyngrwyd neu'r we fyd-eang. Gallwch helpu Wicipedia drwy ychwanegu ato.