Cerddor jazz oedd Mary Lou Williams (ganwyd Mary Elfrieda Scruggs; 8 Mai 191028 Mai 1981). Roedd yn chwarae'r piano ac yn canu, ond roedd ei chyfraniad fwyaf fel cyfansoddwr ac arweinydd ar fandiau. Fe ysgrifennodd gannoedd o gyfansoddiadau ac fe recordiodd gannoedd o recordiau.[1] Yn ogystal â'i bandiau ei hunain, chwaraewyd ei chyfansoddiadau gan fandiau gerddorion jazz eraill megis Duke Ellington a Benny Goodman, ac roedd yn gyfaill ac yn fentor i nifer fawr o gerddorion o'r genhedlaeth iau, gan gynnwys Thelonious Monk, Charlie Parker, Miles Davis, Tadd Dameron, Bud Powell, a Dizzy Gillespie ymysg eraill.

Mary Lou Williams
Mary Lou Williams tua 1946
Y Cefndir
Enw
(ar enedigaeth)
Mary Elfrieda Scruggs
Ganwyd (1910-05-08)8 Mai 1910
Atlanta, Georgia, Unol Daleithiau America
Bu farw 28 Mai 1981(1981-05-28) (71 oed)
Durham, North Carolina, Unol Daleithiau America
Math o Gerddoriaeth Swing, bebop, bop galed, Big band, Gospel
Gwaith Cerddor, cyfansoddwr, arweinydd bandiau
Offeryn/nau Piano
Cyfnod perfformio 1920s–1981
Label Atlantic, Asch, Brunswick, Circle, Decca, Inner City, Folkways, King, Pablo, Victor, Vogue
Perff'au eraill Duke Ellington

Yn ystod y 1930au a'r 1940au bu Williams yn arwain ei bandiau ei hunan ac yn perfformio fel unawdydd yn ogystal ag ysgrifennu ar gyfer cerddorion eraill. Roedd y rhain yn arddull swing boblogaidd y cyfnod, fodd bynnag yn y 1940au bu Williams yn cymdeithasu ac yn ymwneud â cherddorion bebop y genhedlaeth newydd. Ar ôl cyfnod heb chwarae yn ystod yr 1950au, bu'n cyfansoddi cerddoriaeth grefyddol gan fwyaf yn ystod y 1960au a'r 1970au (cafodd dröedigaeth i gatholigiaeth yn 1956), megis Mary Lou's Mass (1964). Roedd y gerddoriaeth hon yn aml yn dangos dylanwad gospel a cherddoriaeth grefyddol, glasurol.

Ei dylanwad mwyaf amlwg oedd Duke Ellington, a drodd at gerddoriaeth grefyddol hefyd yn hwyr yn ei yrfa.

Bu farw Williams o ganser yn 1981. Fei'i hystyrir yn un o'r merched pwysicaf yn hanes jazz.[2]

CyfeiriadauGolygu

  1. Kernodle, Tammy L. Soul on Soul: The Life and Music of Mary Lou Williams, (2004); ISBN 1-55553-606-9
  2. "First Lady of the Jazz Keyboard on JSTOR". JSTOR 1214051. Missing or empty |url= (help)