Matthew Perry

Roedd Matthew Langford Perry (19 Awst 1969 – 28 Hydref 2023) yn actor ac ysgrifennwr o'r Unol Daleithiau ac o Ganada. Roedd yn fwyaf adnabyddus am ei rôl fel Chandler Bing yng nghomedi sefyllfa teledu NBC Friends, yn ogystal â chwarae Ron Clark yn y ffilm deledu 2006 The Ron Clark Story. Ynghyd â serennu yn y gyfres Studio 60 on the Sunset Strip, ymddangosodd Perry mewn nifer o ffilmiau, gan gynnwys Fools Rush In (1997), The Whole Nine Yards (2000), a 17 Again (2009). Yn 2010, lleisiodd Benny yn y gêm fideo 'chwarae rhan' Fallout: New Vegas.

Matthew Perry
Ganwyd	Matthew Langford Perry  19 Awst 1969  Williamstown
Bu farw	28 Hydref 2023  o boddi, gorddos o gyffuriau  Los Angeles
Man preswyl	Los Angeles
Dinasyddiaeth	Unol Daleithiau America, Canada
Alma mater	Ashbury College The Buckley School Lisgar Collegiate Institute
Galwedigaeth	actor teledu, cynhyrchydd ffilm, actor ffilm, sgriptiwr, actor
Adnabyddus am	Friends
Taldra	1.83 metr
Tad	John Bennett Perry
Mam	Suzanne Langford
Perthnasau	Keith Morrison
Gwobr/au	Screen Actors Guild Award for Outstanding Performance by an Ensemble in a Comedy Series, TV Guide Award, Huading Awards
Chwaraeon
llofnod

Perry oedd cyd-grëwr, cyd-ysgrifennwr, uwch gynhyrchydd a seren y comedi sefyllfa ABC Mr. Sunshine, a redodd o Chwefror i Ebrill 2011. Yn Awst 2012, dechreuodd Perry serennu fel Ryan King, cyflwynydd chwaraeon ar gomedi sefyllfa NBC, Go On. Canslwyd y gyfres ar 10 Mai 2013. Perry oedd cyd-grëwr a seren comedi sefyllfa CBS The Odd Couple, yn chwarae rôl Oscar Madison. Adnewyddwyd y rhaglen am ail gyfres ar 11 Mai, 2015.

Bywyd cynnar

Ganwyd Perry yn Williamstown, Massachusetts. Roedd ei fam, Suzanne Marie Morrison (gynt Langford), yn newyddiadurwraig o Ganada ac yn gyn-ysgrifenyddes y wasg i Brif Weinidog Canada Pierre Trudeau. Mae ei dad, John Bennett Perry (ganed 1941), yn actor Americanaidd a chyn-fodel. Ysgarodd rhieni Perry cyn iddo droi'n un flwydd oed, ac aeth ei fam yn ei blaen i briodi Keith Morrison, newyddiadurwr darlledu. Magwyd Perry gan ei fam yn Ottawa, Ontario, a mynychodd Ysgol Gyhoeddus Rockcliffe Park a Choleg Ashbury. Fel plentyn, roedd yn chwaraewr tenis llwyddiannus.

Gyrfa

Ar ôl symud o Ottawa i Los Angeles i ddilyn gyrfa actio, mynychodd Perry The Buckley School yn Sherman Oaks. Pan yn Buckley, perfformiodd Perry fel George Gibbs yn Our Town, yn ogystal ag ymddangos yn The Miracle Worker a The Sound of Music, yn derbyn canmoliaeth am ei berfformiadau. Yn ei flwyddyn olaf, cynlluniwyd cynhyrchiad o The Elephant Man gan y cyfarwyddwr Tim Hillman gyda'r syniad o gastio Perry fel John Merrick ynghyd â Vanessa Smith a seren Les Miserables y dyfodol, Lisa Capps. Tynnodd Perry yn ôl o'r cynhyrchiad ar ôl iddo gael ei gastio yn A Night in the Life of Jimmy Reardon gyda River Pheonix, yn dod â'i yrfa actio ysgol uwchradd i ben. Hefyd yn ystod ei ddyddiau yn yr ysgol uwchradd, daeth Perry yn berfformiwr comedi improv yn yr LA Connection yn Sherman Oaks. Dechreuodd Perry actio'n broffesiynol yn 18 mlwydd oed.

Wedi ymddangosiadau gwadd mewn rhaglenni teledu yng nghanol yr 1980au, ei fwriad oedd ymrestru ym Mhrifysgol De Califfornia, ond cyn iddo wneud hyn, cynigiwyd y brif rôl o Chazz Russell yn Second Chance i Perry, yn ei gynorthwyo i ddod yn fwy gweladwy ar y sîn actio. Yn wreiddiol, serennodd Perry gyda Kiel Martin pan ddarlledwyd y gyfres am y tro cyntaf yn 1987, ond ar ôl 13 o benodau, newidiwyd y fformat, gyda Second Chance yn troi'n Boys Will Be Boys, a daeth cymeriad Perry yn fwy amlwg gyda'r plot yn symud i ganolbwyntio ar anturiaethau Chazz a'i ffrindiau yn eu harddegau. Er gwaethaf y newidiadau, fe'i pharodd am ddim ond un gyfres. Ar ôl iddi orffen, arhosodd Perry yn Los Angeles yn gwneud ymddangosiad gwadd ar y rhaglen deledu Growing Pains, yn chwarae cariad Carol sy'n marw yn yr ysbyty o anafiadau wedi damwain gar.

Ffilmyddiaeth

Ffilmiau

Blwyddyn	Teitl	Rôl	Nodiadau
1988	A Night in the Life of Jimmy Reardon	Fred Roberts
	Dance 'til Dawn	Roger	Ffilm deledu
1989	She's Out of Control	Timothy
1990	Call me Anna	Desi Arnaz, Jr.	Ffilm deledu
1993	Deadly Relations	George Westerfield	Ffilm deledu
1994	Getting In	Randall Burns
	Parallell Lives	Willie Morrison	Ffilm deledu
1997	Fools Rush In	Alex Whitman
1998	Almost Heroes	Leslie Edwards
1999	Three to Tango	Oscar Novak
2000	The Whole Nine Yards	Nicholas "Oz" Oseransky
	Disney's The Kid	Mr. Vivian	Heb gydnabyddiaeth
2002	Serving Sara	Joe Tyler
2004	The Whole Ten Yards	Nicholas "Oz" Oseranksy
2005	Hoosiers II: Senior Year	Coach Norman Dale Jr.	Ffilm fer
2006	The Ron Clark Story	Ron Clark	Ffilm deledu
2007	Numb	Hudson	Hefyd yn uwch gynhyrchydd
2008	Birds of America	Morrie Tanager
2009	17 Again	Mike O'Donnell (37 mlwydd oed)

Teledu

Blwyddyn	Teitl	Rôl	Nodiadau
1979	240-Robert	Arthur	Pennod: "Bank Job"
1983	Not Necessarily News	Bob	Pennod: "Audrie in Love"
1985	Charles in Charge	Ed Stanley	Pennod: "The Wrong Guy"
1986	Silver Spoons	Davey	Pennod: "Rick Moves Out"
1987-1988	Second Chance	Chazz Russell	Prif gast; 21 pennod
1988	Just the Ten of Us	Ed	Pennod: "The Dinner Test"
	Highway to Heaven	David Hastings	2 bennod
1989	Growing Pains	Sandy	3 pennod
	Empty Nest	Bill (18 mlwydd oed)	Pennod: "A Life in the Day"
1990	Sydney	Billy Kells	Prif gast; 13 o benodau
	Who's the Boss?	Benjamin Dawson	Pennod: "Roomies"
1991	Beverly Hills, 90210	Roger Azarian	Pennod: "April is the Cruelest Month"
1992	Sibs		Pennod: "What Makes Lily Run?"
	Dream On	Alex Farmer	Pennod: "To the Moon, Alex!"
1993	Home Free	Matt Bailey	Prif gast; 13 o benodau
1994-2004	Friends	Chandler Bing	Prif gast; 236 o benodau
1995	The John Larroquette Show	Steven	Pennod: "Rachel Redux"
	Caroline in the City	Chandler Bing	Pennod: "Caroline and the Folks"
1997	Saturday Night Live	Ei hunan	Cyflwynydd; pennod: "Matthew Perry/Oasis"
2001	The Simpsons	Llais Matthew Perry Ultrahouse 3000	Pennod: "Treehouse of Horror XII"
2002	Ally McBeal	Todd Merrick	2 bennod
2003	The West Wing	Joe Quincy	3 pennod
2004	Scrubs	Murray Marks	Pennod: "My Unicorn"; hefyd yn gyfarwyddwr
2006-2007	Studio 60 on the Sunset Strip	Matt Albie	Prif gast; 22 o benodau
2011	Mr. Sunshine	Ben Donovan	Prif gast a chyd-grewr; 13 o benodau
	Childrens Hospital	Ei hunan	Pennod: "The Black Doctor"
2012-2013	The Good Wife	Mike Kresteva	4 pennod (1 heb gydnabyddiaeth)
	Go On	Ryan King	Prif gast; 22 o benodau
2013	Hollywood Game Night	Ei hunan	Pennod: "The One with the Friends"
2014	Cougar Town	Sam	Pennod: "Like a Diamond"
	The Dog Thrower	Y dyn carismataidd	1 bennod
2015	Web Therapy	Tyler Bishop (neu Tyler Levin)	Pennod: "Lies and Alibis"
2015-2017	The Odd Couple	Oscar Madison	Prif gast; hefyd yn ysgrifennwr ac uwch gynhyrchydd; 12 o benodau
2017	The Good Fight	Mike Kresteva	Rhan achlysurol; 3 pennod
2017	The Kennedys: After Camelot	Ted Kennedy	Cyfres deledu fer; 4 pennod; hefyd yn uwch gynhyrchydd
2021	Friends: The Reunion	Ei hun	Rhaglen arbennig HBO Max; hefyd yn uwch gynhyrchydd