Mrs Brown's Boys

Rhaglen gomedi boblogaidd o Iwerddon ydy Mrs. Brown's Boys, wedi ei chreu a'i sgriptio gan y Gwyddel Brendan O'Carroll, sydd hefyd yn serennu ynddi fel actor. Fe'i cynhyrchwyd gan BBC Scotland mewn partneriaeth gyda BocPix ac RTÉ. Dyn, ac ator drag, ydy O'Carroll ac ef sy'n chwarae rhan Mrs Brown, seren y comedi. Mae'r rhan fwyaf o'r actorion eraill naill ai'n ffrindiau neu'n aelodau o'i deulu.

Mrs. Brown's Boys
Genre	Comedi
Crëwyd gan	Brendan O'Carroll
Ysgrifennwyd gan	Brendan O'Carroll
Cyfarwyddwyd gan	Ben Kellett
Yn serennu	Brendan O'Carroll Jennifer Gibney Paddy Houlihan Fiona O'Carroll Danny O'Carroll Eilish O'Carroll Pat Shields Amanda Woods Rory Cowan Gary Hollywood Dermot O'Neill Fiona Gibney Susie Blake (Cyfres 2–)
Cyfansoddwr thema	Andy O'Callaghan
Gwlad	Iwerddon
Iaith wreiddiol	Saesneg
Nifer o gyfresi	3 (+9 Rhifyn Arbennig)
Nifer o benodau	27 (rhestr penodau)
Cynhyrchiad
Cynhyrchydd/wyr	BBC Stephen McCrum, Mark Freeland, James Farrell, Ewan Angus; RTÉ Justin Healy, BOC-PIX Martin Delaney, Conor Gibney, Fiona Gibney, Mark Sheridan, Gareth Woods, Marian Sheridan, Simon Carty
Golygydd(ion)	Mark Lawrence
Lleoliad(au)	BBC Pacific Quay
Hyd y rhaglen	30 munud 35 munud (2013 Rhifyn Nadolig, 2014–15 Arbennig) 40 munud (2013 Rhifyn Arbennig y Flwyddyn Newydd, 2015–16 Rhifynnau Arbennig)
Cwmni cynhyrchu	BBC Scotland BOC-PIX RTÉ
Dosbarthwr	NBCUniversal Television Distribution (Gogledd America)
Rhyddhau
Rhwydwaith gwreiddiol	RTÉ One BBC One
Fformat y llun	16:9 576i (SDTV) 1080i (HDTV)
Darlledwyd yn wreiddiol	1 Ionawr 2011 (2011-01-01) – Presennol
Dolenni allanol
Mrs. Brown's Boys at the BBC

Ceir arddull anffurfiol, ffwrdd-a-hi, ble dangosir nifer o 'gangymeriadau' neu linellau byr-fyfyr nad ydynt yn y sgript, sy'n gwneud y rhaglen yn ffres ac yn wahanol i'r rhelyw. Mae llawer o feirniaid wedi bod yn llawdrwm iawn o'r rhaglen e.e. barn The Metro oedd ei bod "not even remotely funny", gan fynegi y dylai'r BBC "hang its head in shame" am ei dangos. Er hyn, mae'r niferoedd sy'n ei gwylio yn profi ei bod yn un o raglenni teledu mwyaf poblogaidd sawl gwlad, gyda gwledydd Prydain, Iwerddon, Awstralia a Chanada ymhlith y gwledydd sydd â'r mwyaf o wylwyr. Mae teledu Unol Daleithiau America'n gwrthod ei dangos gan fod ynddi lawer o regfeydd. Enillodd Mrs Brown's Boys lawer o wobrau dros y blynyddoedd diwethaf.

Trosolwg

Cyfres		Pennod	Darlledwyd yn gyntaf		Nifer cyfartalog o wylwyr (DU) (miliwn)
			Darllediad cyntaf	Darllediad olaf
	Pennod 1 (2011)	6	21 Chwefror 2011	28 Mawrth 2011	3.00
	Rhifyn Arbennig (2011)	1	26 Rhagfyr 2011		8.24
	Pennod 2 (2012)	6	2 Ionawr 2012	6 Chwefror 2012	6.98
	Rhifyn Arbennig (2012)	2	24 Rhagfyr 2012	26 Rhagfyr 2012	11.20
	Pennod 3 (2013)	6	1 Ionawr 2013	4 Chwefror 2013	9.41
	Rhifyn Arbennig (2013)	2	25 Rhagfyr 2013	30 Rhagfyr 2013	11.40
	Rhifyn Arbennig (2014–15)	2	25 Rhagfyr 2014	1 Ionawr 2015	9.76
	Rhifyn Arbennig (2015–16)	2	25 Rhagfyr 2015	1 Ionawr 2016	TBA
	Rhifyn Arbennig Byw (2016)	1	Haf 2016		TBA

Rhyddhawyd Mrs. Brown's Boys yn wreiddiol ar RTÉ 2fm, sef gorsaf radio Gwyddelig, yn 1992, ac yna fel cyfres o lyfrau, gan Brendan O'Carroll yng nghanol y 1990au. Teitlau'r llyfrau unigol oedd: The Mammy, The Chisellers, The Granny, a The Young Wan, ac fe'u cyhoeddwyd yn Iwerddon cyn iddynt gael eu cyhoeddi yng ngwledydd Prydain.

Datblygodd y gyfres sitcom yn araf dros nifer o flynyddoedd; roedd ei gwreiddiau yn nechrau 1999, gyda'r prif gymeriad Agnes Browne yn ymddangos yn wreiddiol fel drama lwyfan ac yna drama radio, llyfrau a DVDs.

Ar gyfer y sitcom, talfyrwyd yr enw 'Browne' i 'Brown'. Mae'r dramau llwyfan wedi parhau hyd at y presennol, gydag ymweliadau ag Awstralia yn 2014. Cyhoeddwyd ffilm Mrs. Brown's Boys D'Movie, ar 27 Mehefin 2015.