One Night in the Tropics
Ffilm gomedi o 1940 yw One Night in the Tropics sy'n nodedig am fod y ffilm gyntaf i Abbott a Costello actio ynddi. Rhestrir y ddau fel is-actorion ond maent yn hawlio'r ffilm gyda phump o'u rŵtins clasurol, gan gynnwys fersiwn gryno o "Who's On First?" O ganlyniad i'w gwaith ar y ffilm hon roedd gan Universal ddiddordeb cytundeb dwy ffilm.
| One Night in the Tropics | |
|---|---|
| Cyfarwyddwyd gan | A. Edward Sutherland |
| Cynhyrchwyd gan | Leonard Spigelgass |
| Awdur (on) | Gertrude Purcell Charles Grayson |
| Yn serennu | Allan Jones Robert Cummings Nancy Kelly Bud Abbott Lou Costello William Frawley Peggy Moran |
| Cerddoriaeth gan | Jerome Kern and Dorothy Fields |
| Sinematograffi | Joseph A. Valentine |
| Golygwyd gan | Milton Carruth |
| Dosbarthwyd gan | Universal Pictures |
| Rhyddhawyd gan |
|
| Hyd y ffilm (amser) | 82 min. |
| Iaith | English |
| Cyfalaf | dros $500,000[1] |
Gwnaeth eu ffilm nesaf, Buck Privates, nhw yn sêr. Jerome Kern oedd yn gyfrifol am ganeuon y ffilm gyda'r geiriau gan Dorothy Fields. Mae'r ffilm yn seiliedig ar nofel ym 1914, Love Insurance gan Earl Derr Biggers, crëwr Charlie Chan.[2]
Fe'i ffilmiwyd fel ffilm dawel ym 1919 - Love Insurance gan Paramount gyda Bryant Washburn a Lois Wilson yn serenu, ac yna ym 1925 gan Universal - The Reckless Age.
Plot
golyguMae Jim "Lucky" Moore (Allan Jones), gwerthwr yswiriant, yn llunio polisi newydd ar gyfer ei ffrind, Steve (Robert Cummings): 'polisi yswiriant cariad', a fydd yn talu $ 1-miliwn os na fydd Steve yn priodi ei ddyweddi, Cynthia (Nancy Kelly). Wedi'i annog gan ddadl Jim nad yw Jim erioed wedi gorfod talu allan ar bolisi fel bod y briodas yn beth sicr, mae Steve yn derbyn. Mae'r briodas yn dod o dan y fantol gan gyn-gariad Steve, Mickey (Peggy Moran), a Modryb Kitty (modryb Cynthia). Mae'r polisi wedi'i warantu gan berchennog clwb nos, Roscoe (William Frawley), sy'n anfon dau orfodwr - Abbott a Costello - i sicrhau bod y briodas yn digwydd fel y cynlluniwyd. Mae pawb sy'n ymwneud â'r sefyllfa yn hwylio neu hedfan i San Marcos (gwlad ffuglennol yn Ne America), lle mae cymhlethdod arall yn codi, pan mae Jim yn syrthio mewn cariad gyda Cynthia. Mae Jim yn priodi Cynthia, ond nid oes rhaid i Roscoe dalu'r $ 1-miliwn oherwydd bod Steve yn priodi Mickey yn y diwedd.
Cast
golygu- Allan Jones fel Jim Moore
- Nancy Kelly fel Cynthia Merrick
- Bud Abbott fel Abbott
- Lou Costello fel Costello
- Robert Cummings fel Steve Harper
- Mary Boland fel Aunt Kitty Marblehead
- William Frawley fel Roscoe
- Peggy Moran fel Mickey Fitzgerald
- Leo Carrillo fel Escobar
- Don Alvarado fel Rodolfo
- Nina Orla fel Nina
- Richard Carle fel Mr. Moore
- Charlie Hall fel y stiward ar yr SS Atlantica (heb ei achredu yn y ffilm)
- Edgar Dearing fel yr heddwas efo'r llygad du (heb ei achredu yn y ffilm)
- Kathleen Howard fel Judge McCracken (heb ei achredu yn y ffilm)
- Charles Murphy fel y meddwyn yn y cwrt (heb ei achredu yn y ffilm)
- Barnett Parker fel gwas Harper (heb ei achredu yn y ffilm)
- Jerry Mandy fel y ''hot dog vendor'' (heb ei achredu yn y ffilm)
- Denny Sullivanfel fel y gyrrwr tacsi (heb ei achredu yn y ffilm)
Y cynhyrchiad
golyguFfilmiwyd One Night in the Tropics o Awst 26 trwy Fedi 30, 1940 o dan deitl gwaith y ffilm, Riviera, sioe gerdd Jerome Kern nad oedd wedi ei datblygu i fod yn ffilm o 1937 a gynlluniwyd yn wreiddiol ar gyfer Danielle Darrieux;[2][3]
Y gobaith oedd y byddai'r ffilm yn helpu cyflwr ariannol Paramount. Ni wnaeth lawer i helpu, ond arweiniodd at gyfres o ffilmiau Abbott a Costello a oedd yn lwyddiant i Paramount.[4]
Ail-ddefnyddiwyd caneuon Kern yn y ffilm.[5][6]
Roedd ganddo sawl teitl cyn i Universal benderfynu ar One Night in the Tropics, gan gynnwys Moonlight in the Tropics, Love Insurance, a Caribbean Holiday.[7]
Ychydig cyn dechrau'r cynhyrchiad, ar Awst 21, 1940, roedd Jones a Cummings yn westeion ar sioe radio Abbott a Costello yn hyrwyddo'r ffilm.
Cafodd y ffilm ei dangosiad cyntaf yn y byd yn nhref enedigol Costello, Paterson, New Jersey ar Hydref 30, 1940.[2]
Ail-ryddhawyd y ffilm (ar 69 munud) gan Realart Pictures ym 1950 gyda The Naughty Nineties ac ym 1954 gyda Little Giant.[2]
Mae'r ffilm hon wedi'i rhyddhau ddwywaith ar DVD. Y tro cyntaf, ar The Best of Abbott a Costello Volume 1 ar Chwefror 10, 2004, ac eto ar Hydref 28, 2008 fel rhan o Abbott and Costello: The Complete Universal Pictures Collection .
Dolenni Allanol
golygu- (Saesneg) One Night in the Tropics ar wefan Internet Movie Database
Cyfeiriadau
golygu- ↑ "United States Court of Appeals For the Ninth Circuit - Universal vs Cummings 1944". Internet Archive. t. 94.
- ↑ 2.0 2.1 2.2 2.3 Furmanek, Bob; Ron Palumbo (1991), Abbott and Costello in Hollywood, New York: Perigee Books, ISBN 978-0-399-51605-4
- ↑ "United States Court of Appeals For the Ninth Circuit - Cummings vs Universal 1944". Internet Archive. t. 565.
- ↑ Green, Stanley (1999) Hollywood Musicals Year by Year (2nd ed.), pub. Hal Leonard Corporation ISBN 0-634-00765-3 page 98
- ↑ Hemming, Roy (1999), The Melody Lingers On: The Great Songwriters and Their Movie Musicals, Newmarket Press, p. 105, ISBN 978-1-55704-380-1, https://archive.org/details/melodylingerson00royh
- ↑ SCREEN NEWS HERE AND IN HOLLYWOOD. (July 31, 1940). New York Times (1923-Current File) Retrieved from https://search.proquest.com/docview/105290980
- ↑ Nollen, Scott Allen, Abbott and Costello on the Home Front: A Critical Study of the Wartime Films (2009) Retrieved from https://books.google.com/books?id=rloU-4ntD_EC&pg=PA10&lpg=PA10&dq=moonlight+in+the+tropics+costello&source=bl&ots=wPo1p_7izp&sig=vfxte920pLnBl-WZIZlA7DbA4P4&hl=en&sa=X&ved=0ahUKEwj_pKDvwN_aAhUGTN8KHaJ0CesQ6AEIazAN#v=onepage&q=moonlight%20in%20the%20tropics%20costello&f=false