Paula Vennells
Gwraig fusnes o Loegr ac offeiriad Anglicanaidd yw Paula Anne Vennells (ganwyd 21 Chwefror 1959). Roedd hi'n Brif Swyddog Gweithredol Swyddfa'r Post Cyfyngedig rhwng 2012 a 2019, yn anterth sgandal Swyddfa'r Post lle collodd cannoedd o is-bostfeistri eu bywoliaeth oherwydd gwallau'r cwmni. O dan ei arweiniad ef, erlynodd y Swyddfa'r Post llawer o bobl o is-byst am dwyll, er ei fod yn gwybod bod yr anghysondebau ariannol wedi deillio mewn gwirionedd o gamgymeriadau cyfrifiadurol yr oedd ei gwmni ei hun yn gyfrifol amdanynt.
| Paula Vennells | |
|---|---|
 | |
| Ganwyd | 21 Chwefror 1959  |
| Man preswyl | Denton |
| Dinasyddiaeth |  Lloegr |
| Alma mater |
|
| Galwedigaeth | offeiriad, person busnes, gweithredwr mewn busnes |
| Cyflogwr |
|
| Gwobr/au | CBE |
Bu Alan Bates yn gweithio mewn swyddfa bost yn Llandudno a chaiff ei bortreadu gan Toby Jones yn y ddrama Mr Bates vs The Post Office; daeth yn arweinydd yr is-bostfeistri a ddatgelodd y sgandal.[1] Ymhlith y rhai yr effeithiwyd arnynt roedd Noel Thomas o Ynys Môn, a gafwyd yn euog yn annheg a’i anfon i garchar yn 2006
Cafodd Vennells yn Denton, Swydd Gaerhirfryn. Cafodd ei haddysg yn yr Ysgol Uwchradd i Ferched Manceinion. Astudiodd Rwsieg a Ffrangeg ym Mhrifysgol Bradford, gan raddio yn 1981 gyda BA.
Dechreuodd ei gyrfa fel hyfforddai graddedig yn Unilever ym 1981. Yn ddiweddarach bu'n gweithio i L'Oréal, Dixons Retail, Argos a Whitbread.
Yn 2019 daeth yn gadeirydd Ymddiriedolaeth GIG Gofal Iechyd y Coleg Imperial yn Llundain. Ym mis Rhagfyr 2020, cyhoeddwyd y byddai’n gadael y rôl yn gynnar, am resymau personol,[2] Ym mis Ebrill 2021, yn ddilyn dileu 39 collfarn o ddirprwy is-bostfeistri, tynnodd hi yn ôl o'i rôl fel gweinidog.
Chwaraeodd yr actores Lia Williams ran Vennells yng nghyfres deledu 2024, Mr Bates vs The Post Office.[3] Ar 8 Ionawr 2024,dywedwyd bod dros filiwn o bobl wedi arwyddo deiseb yn galw ar PV i golli ei CBE.[4] Ar 9 Ionawr cytunodd i roi ei CBE yn ôl.[5]
Cyfeiriadau golygu
- ↑ Ian Lang (4 Ionawr 2024). "The true story of the Welsh sub-postmaster behind new ITV Drama Mr Bates vs the Post Office". ITV Wales (yn Saesneg). Cyrchwyd 5 Ionawr 2024.
- ↑ "Trust chair to step down next April". www.imperial.nhs.uk (yn Saesneg). Archifwyd o'r gwreiddiol ar 6 Rhagfyr 2020.
- ↑ "Mr Bates vs The Post Office star on how legal risks impacted script". Radio Times (yn Saesneg). Cyrchwyd 5 Ionawr 2024.
- ↑ "Sgandal Swyddfa'r Post: Miliwn o bobol am i CBE Paula Vennells gael ei dynnu oddi wrthi". Golwg 360. 8 Ionawr 2024. Cyrchwyd 8 Ionawr 2024.
- ↑ Rowena Mason (9 Ionawr 2024). "Former Post Office boss Paula Vennells to return CBE amid Horizon scandal". The Guardian. Cyrchwyd 9 Ionawr 2024.