Plât ffotograffig
Daeth platiau ffotograffig o flaen ffilm ffotograffig fel cyfrwng ar gyfer creu delweddau ffotograffig. Byddai emylsiwn halen arian a oedd yn sensitif i olau yn cael ei daenu ar blât gwydr, fel arfer yn deneuach na gwydr ffenestr gyffredin, yn lle ffilm plastig clir.
![](http://upload.wikimedia.org/wikipedia/commons/thumb/3/34/Femme-au-chien_neg.jpg/220px-Femme-au-chien_neg.jpg)
Roedd platiau gwydr yn llawer gwell na ffilm ar gyfer delweddu ansawdd uchel gan ei bod yn sefydlog iawn ac yn llai tebygol o blygu neu anffurfio, yn arbennig mewn fframiau fformat mawr ar gyfer delweddu llydan. Roedd platiau cynnar yn defnyddio'r proses colodion gwlyb. Ildiodd y proses plât gwlyb ei le yn y 19g i blatiau sych gelatin. Diflannodd deunydd platiau gwydr ffotograffig bron yn llwyr o'r farchnad erbyn blynyddoedd cynnar yr 20g, wrth i fwy o ffilmiau llai bregus a mwy cyfleus gael eu mabwysiadu. Er hynny, mae'n debyg bod platiau ffotograffig yn dal i gael eu defnyddio gan un busnes ffotograffig yn Llundain tan y 1970au,[1] ac roeddynt yn dal i gael eu defnyddio yn eang gan y gymuned seryddol broffesiynol mor ddiweddar a'r 1990au. Mae gweithdai ar ffotograffiaeth ar blatiau gwydr fel cyfrwng amgen neu at ddefnydd artistig yn dal i gael eu cynnal.
Adeliadwyd camera oedd yn cael ei alw yn "y Mamoth" a oedd yn pwyso 1,400 pwys gan George R. Lawrence yn 1899, yn benodol er mwyn ffotograffu tren "The Alton Limited" a oedd yn eiddo i'r Chicago & Alton Railway. Cymerai ffotograffau ar blatiau gwydr a oedd yn mesur 8 × 4.5 troedfedd.[2]
Cyfeiriadau
golygu- ↑ "Harrow Photos - History of the Hills & Saunders Photographic Collection". Harrow School. Archifwyd o'r gwreiddiol ar 17 Ebrill 2009. Cyrchwyd 8 Chwefror 2016.
- ↑ "The Largest Photograph in the World of the Handsomest Train in the World" (PDF). Chicago & Alton Railway. Archifwyd o'r gwreiddiol (PDF) ar 2016-02-07. Cyrchwyd 30 January 2016.