Pluen
(Ailgyfeiriad o Plu)
Atodion epidermaidd ysgafn yn ffurfio prif orchudd allanol yr adar yw plu. Bu hefyd plu gan rai o'r deinosoriaid a elwir yn theropodau. Ceir dau brif fath o bluen: pluen lafnog a manblu. Mae gan bluen lafnog goesyn cornaidd efo'i waelod (cwilsyn) yn sownd yn y croen, a llafnau gwastad – hynny yw nifer o saethflew sy'n cyd-gloi gyda'i gilydd – yn ymestyn o'r coesyn.
