Pokémon Detective Pikachu (ffilm)

Ffilm ddirgelwch ffantasi yw Pokémon Detective Pikachu (2019). Cafodd ei chyfarwyddo gan Rob Letterman, a cyd-ysgrifennwyd y sgript gan Dan Hernandez, Benji Samit a Derek Connolly yn seiliedig ar stori gan Hernandez, Samit a Nicole Perlman. Mae'r ffilm yn seiliedig ar fasnachfraint Pokémon a grëwyd gan Satoshi Tajiri a'r gêm fideo Detective Pikachu (2016). Cafodd ei chynhyrchu gan Warner Bros. Pictures, Legendary Pictures a The Pokémon Company, mewn cydweithrediad â Toho Co, Ltd. Dyma'r addasiad cyffro byw cyntaf yn y fasnachfraint. Mae Ryan Reynolds yn serennu yn y ffilm fel llais a mudiant wyneb Pikachu, gyda Justice Smith, Kathryn Newton, Suki Waterhouse, Omar Chaparro, Chris Geere, Ken Watanabe a Bill Nighy hefyd yn actio ynddi fel cymeriadau byw.

Cynhaliwyd y ffilmio ar gyfer Pokémon Detective Pikachu rhwng Ionawr a Mai 2018 yn Colorado, Lloegr a'r Alban. Fe'i rhyddhawyd yn Japan ar 3 Mai, 2019, ac yn yr Unol Daleithiau ar 10 Mai, 2019, wedi'i dosbarthu gan Warner Bros. Pictures mewn RealD 3D a Dolby Cinema. Dyma'r ffilm Pokémon gyntaf i'w dosbarthu yn theatrig yn yr Unol Daleithiau gan Warner Bros. ers Pokémon 3: The Movie (2000), a gyda thystysgrif PG gan yr MPAA, dyma'r ffilm Pokémon gyntaf i gael eu rhyddhau yn yr Unol Daleithiau i dderbyn gradd G gan y grŵp. Derbyniodd y Ditectif Pikachu adolygiadau cymysg gan feirniaid, gyda chanmoliaeth i ddyluniadau'r creaduriaid a pherfformiad Reynolds, ond beirniadaeth o'r plot fel un di-fflach. Ystyrir mai hwn yw'r addasiad ffilm cyffro byw gorau o gêm fideo, yn seiliedig ar adolygiadau a gasglwyd ar Rotten Tomato. Cafodd y ffilm ymateb cadarnhaol hefyd gan gynulleidfaoedd a holwyd gan CinemaScore a PostTrak.