Prifysgol Hebron

Prifysgol Hebron
Enghraifft o'r canlynol	prifysgol gyhoeddus
Gwlad	Palesteina
Dechrau/Sefydlu	1971
Dechreuwyd	1971
Pencadlys	Hebron
Gwladwriaeth	Gwladwriaeth Palesteina
Rhanbarth	Hebron
Gwefan	http://www.hebron.edu/
	Ffeiliau perthnasol ar Gomin Wicimedia

Mae Prifysgol Hebron yn brifysgol gyhoeddus ddi-elw yn ninas Hebron, ar y Lan Orllewinol yng ngwladwriaeth Palesteina. Roedd dros deng mil o fyfyrwyr ar y gofrestr yn 2020. Fe'i sefydlwyd yn 1971.

Hanes

Roedd diweddar faer Hebron, Sheikh Mohammad 'Ali Al-Ja'bari, yn dymuno agor sefydliad dysgu uwch i wneud iawn am gyfyngiadau a rhwystrau ar bobl ifanc a grëwyd gan Israel dors lawer o flynyddoedd. Yn 1971 torrwyd y dywarchen gyntaf, a gosodwyd y sylfaen; a chyn hir agorwyd y drysau i bedwar deg tri o fyfyrwyr o wahanol rannau o Balestina.

Ymosodiad gan Israeliaid

Ym 1983, ymosododd ymsefydlwyr Israel ar y campws gan ladd 3 myfyriwr ac anafu 50 o fyfyrwyr. Ar ôl yr ymosodiad caewyd y Brifysgol gan Weinyddiaeth Sifil Israel am gyfnod.

Byddin Israel yn cau'r brifysgol

Ym 1996, caewyd Prifysgol Hebron am chwe mis gan fyddin Israel, yr IDF. Cynhaliodd Cadeirydd y Brifysgol ynghyd â chyfadran addysgu ddosbarthiadau ar y palmant y tu allan i furiau'r brifysgol mewn gwrthwynebiad i weithredu profoclyd yr IDF.^[1]

Bwrdd yr Ymddiriedolwyr

Mae Prifysgol Hebron yn cael ei llywodraethu gan Fwrdd Ymddiriedolwyr ymreolaethol sy'n cynnwys addysgwyr a gweithwyr proffesiynol o gymunedau Palesteina. Penodir llywydd y brifysgol a chadarnhau penodi is-lywyddion a deoniaid ar argymhelliad y llywydd. Mae'r bwrdd yn cymeradwyo'r gyllideb a'r cynlluniau datblygu cyffredinol a gyflwynir iddo gan gyngor y brifysgol.

Gweinyddiaeth a pholisïau

Mae'r brifysgol yn dilyn system semester, gyda dau semester pedwar mis yn dechrau yn yr Hydref a'r Gwanwyn; ceir semester haf dwys.

Ar gyfer y flwyddyn academaidd 2015-2016, derbyniwyd mwy na 1,500 o fyfyrwyr ar y lefel israddedig.

Mae gan y Brifysgol bolisi cofrestru sy'n agored i fyfyrwyr o bob rhan o gymdeithas Palesteina. Y gofynion i wneud cais i astudio yw cael y Tawjihi (tystysgrif matriciwleiddio) neu'r hyn sy'n cyfateb iddo.Ceir rhaglen cymorth ariannol arbennig sy'n darparu grantiau a benthyciadau i fyfyrwyr anghenus.

Mae'r Brifysgol yn aelod o'r sefydliadau canlynol: Cymdeithas Ryngwladol Prifysgolion, Cymuned Prifysgolion Môr y Canoldir, Cynghrair Prifysgolion Islamaidd a Chymdeithas Prifysgolion Arabaidd (AARU). Yn ogystal, mae'r Brifysgol yn cael ei chydnabod gan yr Undeb Ewropeaidd ac mae ganddi rif PADOR a PIC dilys.

Cyfadrannau a rhaglenni

Ceir 9 coleg israddedig ym Mhrifysgol Hebron (HU): Celfyddydau, Cyfraith Islamaidd (Al-Shari`a), Gwyddoniaeth a Thechnoleg, Amaethyddiaeth, Addysg, Cyllid a Rheolaeth, Nyrsio, a Fferylliaeth a'r Gyfraith a gwyddoniaeth wleidyddol. Mae pob Cyfadran yn cynnig graddau BA neu B.Sc.

Mae'r Coleg Astudiaethau Graddedig yn cynnig graddau MA a Msc mewn Iaith a Llenyddiaeth Arabeg, Ieithyddiaeth Gymhwysol ac Addysgu Iaith Saesneg, Hanes, Barnwriaeth Islamaidd, Diogelu Planhigion, Adnoddau Amaethyddiaeth Naturiol a'i Rheolaeth Gynaliadwy, Rheolaeth, Sylfeini Crefydd, Mathemateg a Chemeg.

Yn 2015 roedd 170 o aelodau staff cyfadran llawn amser ac mae 105 ohonynt yn ddeiliaid Ph.D.

Amgueddfa Prifysgol Hebron

Er 2008, mae HU wedi bod yn cynnal rhaglen academaidd ddwys ar gyfer Palestiniaid israddedig sydd â dinasyddiaeth Israel. Yn 2015/2016 cofrestwryd 1,200 o fyfyrwyr.

Canolfannau ac unedau arbennig

Mae gan HU lawer o unedau sy'n ymroddedig i wella addysg, hyfforddiant a gwasanaethau, e.e. uned ynni adnewyddadwy, canolfan ragoriaeth ar gyfer addysg, uned gyswllt diwydiannol, uned estyniad amaethyddol, uned adfer tir sych, a'r ganolfan adnoddau Iaith.

Mae'r Clinig Cyfreithiol yn cynnig adnoddau a chyngor i fyfyrwyr, staff a'r gymuned gyfan. Mae yna 10 adran arbenigol:

>Rhyddid Academaidd
>Cyfraith Lafur
>Gwrth-drais
>Cyngor cyfreithiol cyffredinol
>Cyfraith Teulu
>Hawl i Dai
>Hawliau Dynol
Cyfraith Stryd (ymwybyddiaeth y cyhoedd)
Cyfiawnder Ieuenctid
Partneriaid Hawliau Menywod

Cyfleusterau

Ceir Amgueddfa Brifysgol yn Ninas Hebron.^[2]

Radio prifysgol

Yn 2008 sefydlwyd Radio Alam fel offeryn i gyrraedd cymuned y Brifysgol a'r cyhoedd gyda negeseuon addysgol pwysig, sioeau materion cyfoes a rhaglenni defnyddiol eraill ar 96.1 FM. Mae'n darlledu 24/7 a gellir ei glywed ledled y Lan Orllewinol ac ar-lein trwy http://radio.hebron.edu ; mae'n cael ei staffio gan weithwyr proffesiynol ac mae myfyrwyr cyfryngau yn gallu gwneud cyrsiau yn y stiwdios.

Gweler hefyd

Rhestr o brifysgolion Palestina
Addysg yn nhiriogaethau Palestina
Rhestr o amgueddfeydd yn nhiriogaethau Palestina

Cyfeiriadau

↑ Kern, Kathleen (2010-01-01). As Resident Aliens: Christian Peacemaker Teams in the West Bank, 1995-2005. Wipf and Stock Publishers. ISBN 9781630874261.
↑ Hebron University Museum

Dolenni allanol

Gwefan Swyddogol

Eginyn erthygl sydd uchod am Balesteina. Gallwch helpu Wicipedia drwy ychwanegu ato

[1] Kern, Kathleen (2010-01-01). As Resident Aliens: Christian Peacemaker Teams in the West Bank, 1995-2005. Wipf and Stock Publishers. ISBN 9781630874261.

[2] Hebron University Museum

[1]

[2]