Proto-Indo-Ewropeg
Yr iaith wreiddiol, neu grwp o dafodieithoedd efallai, y tybir gan ieithegwyr y tarddodd Indo-Ewropeg a'r ieithoedd Indo-Ewropeaidd ohoni yw Proto-Indo-Ewropeg. Does dim cofnodion o'r iaith dybiedig hon wedi goroesi; mae'r holl wybodaeth am Broto-Indo-Ewropeg wedi cael ei hailadeiladu o'i merch ieithoedd fel Groeg, Lladin, Sansgrit, a Gotheg.
Yn ôl damcaniaeth Gurgan, roedd Proto-Indo-Ewropeg yn cael ei siarad ar y stepdiroedd i'r gogledd o'r Môr Du hyd at y 5ed fileniwm CC, er bod amcangyfrifon eraill yn gosod y dyddiad hwnnw mor gynnar â'r 10fed fileniwm CC.
