RSVP

Process ar gyfer derbyn ymateb oddi wrth wahoddedigion yw RSVP. Mae'n llythrenw sy'n deillio o'r ymadrodd Ffrangeg Répondez s'il vous plaît sy'n golygu "Ymatebwch os gwelwch yn dda". Mae'n dal i gael ei ddefnyddio mewn Ffrangeg, ac yn y ffurf hon gan nifer o ieithoedd eraill, i ofyn am gadarnhad mewn ymateb i wahoddiad. Mewn cyd-destun ffurfiol yn bennaf, fel priodas neu lawnsiad swyddogol, y caiff RSVP yn cael ei ddefnyddio yng Nghymru erbyn hyn. Mae wedi dod yn fwy cyffredin hefyd i anfon nodyn i roi gwybod i wahoddedigion gadw dyddiad yn rhydd ar gyfer digwyddiad fel priodas neu fedydd, a bod y gwahoddiad ffurfiol yn dilyn yn ddiweddarach.