Rebekah Brooks
Newyddiadurwraig a chyn-olygydd papur newydd Seisnig ydy Rebekah Mary Brooks (ganed Wade, 27 Mai 1968). Hi oedd prif weithredwr News International o 2009 a 2011, wedi iddi weithio fel golygydd ieuengaf ar bapur newydd Prydeinig pan oedd yn gweithio ar y News of the World[1] (o 2000 tan 2003) ac fel golygydd benywaidd cyntaf The Sun[2] (o 2003 tan 2009). Priododd yr actor Ross Kemp yn 2002 (ond ni chymrodd ei gyfenw); yn 2009 ysgarodd y ddau,[3] a phriododd y cyn-hyfforddwr rasio ceffylau a'r awdur Charlie Brooks.
| Rebekah Brooks | |
|---|---|
| Ganwyd | 27 Mai 1968  Warrington |
| Dinasyddiaeth | y Deyrnas Unedig |
| Alma mater |
|
| Galwedigaeth | newyddiadurwr |
| Swydd | prif olygydd, prif weithredwr, prif weithredwr |
| Priod | Charlie Brooks, Ross Kemp |
Mae Brooks yn ffigur blaenllaw yn sgandal hacio ffonau News International, gan mai hi oedd golygydd News of the World pan haciwyd ffonau'n anghyfreithlon gan y papur newydd. Ar 15 Gorffennaf 2011, ymddiswyddodd Brooks fel prif weithredwr News International, yn sgil beirniadaeth o'i rôl hi yn y sgandal.[4] Ar 17 Gorffennaf 2011, cafodd ei harestio ar amheuaeth o gynllwynio i rhyng-gipio cyfarthrebiadau ac ar amheuaeth o lygredigaeth - trwy roi taliadau anghyfreithlon i swyddogion cyhoeddus.[5][6] Ar 13 Mawrth 2012, cafodd ei harestion unwaith eto ar amheuaeth o gynllwynio i wyrdroi cwrs cyfiawnder.[7] Ar 15 Mai 2012, cyhuddwyd Brooks o gynllwynio i wyrdroi cwrs cyfiawnder.[8] Mewn ymateb i hyn, dywedodd Brooks ei bod ei "drysu" gan y penderfyniad hwn.[9]
Ymddangosodd Brooks a'i gŵr yn Llys Ynadon San Steffan ar 13 Mehefin ar gyhuddiadau'n gysylltiedig â'r sgandal hacio ffonau. Dywedodd y Barnwr Ardal Howard Riddle y byddai'r achos yn erbyn y diffynyddion yn digwydd yn hwyrach yn Llys y Goron Southwark. Rhoddwyd fechnïaeth i Brooks a'i gŵr tan 22 Mehefin.
Ar 24 Gorffennaf 2012, cyhoeddodd Gwasanaeth Erlyn y Goron y byddai Brooks, ynghyd â chwech chyn-aelod o staff o'r News of the World, yn cael eu cyhuddo o gynllwynio i ryng-gipio cyfathrebiadau heb hawl cyfreithiol, rhwng 3 Hydref 2000 a'r 9 Awst 2006. Yn ogystal â'r cyhuddiad "generig" hwn, cyhuddwyd Brooks gyda phedwar achos penodol o gynllwynio i ryng-gipio cyfathrebiadau heb hawl cyfreithiol. Roedd y cyhuddiadau hyn yn ymwneud â hacio pheiriant ateb ffôn symudol y ferch ysgol a lofruddiwyd, Milly Dowler.
Cyfeiriadau
golygu- ↑ The Media Guardian 100: 53. Rebekah Wade. The Guardian (2002-07-08).
- ↑ UPDATE 2-UK Sun editor Wade to be News International CEO. Reuters (2009-06-23).
- ↑ Ross Kemp granted quickie divorce. Digital Spy (2009-03-06).
- ↑ Rebekah Brooks Quits As NI Chief Executive Sky News, 15 Gorffennaf 2011.
- ↑ Helen Lewis-Hasteley "The intriguing timing of Rebekah Brooks's arrest". New Statesman, 17 Gorffennaf 2011. Adalwyd 16 Awst 2011.
- ↑ The Guardian, 21 Mawrth 2012, Rebekah Brooks questioned by police
- ↑ Phone hacking: Rebekah Brooks arrested in Weeting probe. BBC News (13 Mawrth 2012).
- ↑ Phone hacking: Rebekah Brooks charged with perverting course of justice. The Daily Telegraph (15 Mai 2012).
- ↑ Hope, Christopher. "Phone hacking: Rebekah Brooks could challenge charging decision because prosecutor was victim of tabloid sting". The Daily Telegraph. London. Unknown parameter
|dyddiad=ignored (help)
