Rhannu (mathemateg)

Mewn mathemateg, yn enwedig mewn rhifyddeg elfennol, gweithrediad sy'n wrthdro i luosi yw rhannu.

Yn benodol, os yw c lluosi â b yn hafal ag a, a ysgrifennir:

$c\times b=a$

lle nad yw b yn sero, yna mae a rhannu â b yn hafal ag c, a ysgrifennir:

${\frac {a}{b}}=c$

Er enghraifft, mae

${\frac {6}{3}}=2$

gan fod

$2\times 3=6\,$.

Yn y mynegiad uchod, dywedwn mai a yw'r rhannyn, b yw'r rhannydd ac c yw'r cyniferydd.

Ni ddiffinir rhannu â sero (hynny yw, ni all y rhannydd b fod yn hafal â sero).

Nodiant

Gellir ysgrifennu "a rhannu â b" fel a ganlyn:

${\frac {a}{b}}.$

neu

$a/b.\,$

neu

^a⁄_b .

Weithiau, mewn gwaith elfennol, gwelir:

$a\div b.$

yn ogystal. Defnyddir $\div$ fel arfer y gynrychioli'r gweithrediad rhannu, er enghraifft ar fotwm cyfrifiannell.

Mewn sawl gwlad Ewropeaidd, ysgrifennir "a wedi ei rannu â b" fel a : b. Fodd bynnag, defnyddir y gorwahannod ":" i ddynodi'r gymhareb rhwng a a b yn lle.

Gweler hefyd

• Rhannu (electroneg)
• Ffracsiwn
• Cilydd
• Rhannu hir
• Rhif cyfansawdd