Sefrou
Dinas ym Moroco yw Sefrou (Arabeg:صفرو), a leolir 28 km o Fès, wrth droed mynyddoedd yr Atlas Canol. Mae'n brifddinas y dalaith o'r un enw, sy'n rhan o ranbarth Fès-Boulemane. Mae'n gorwedd 848 metr i fyny. Poblogaeth: 64,006 (cyfrifiad 2004).
 | |
| Math | dinas, urban commune of Morocco  |
|---|---|
| Poblogaeth | 54,163, 64,006, 79,887, 86,903 |
| Gefeilldref/i | Blotzheim |
| Daearyddiaeth | |
| Sir | Talaith Sefrou |
| Gwlad |  Moroco |
| Arwynebedd | 10.5 km² |
| Uwch y môr | 850 ±1 metr |
| Cyfesurynnau | 33.83°N 4.83°W |
| Cod post | 31000 |
 | |
Yn ddinas yn swyddogol ers 1917, cafodd Sefrou ei gwneud yn ganolfan weinyddol talaith newydd Sefrou ar y 1af o Ionawr 1991. Mae'n cynnwys 23 commune neu gymuned (5 dinesig a 18 gwledig).
Sefydlwyd dinas ar y safle yn y flwyddyn 806 gan Alamir Al-Masouri. Arosodd y Swltan Moulay Idriss yma wrth iddo adeiladu Fès. Ceir medina (dinas gaerog) sy'n dyddio o'r Oesoedd Canol a sawl hen bont dros afon Oued Agaï.
Mae'n enwog am ei cheirios. Cynhelir Gŵyl Ceirios Sefrou yn flynyddol ac etholir merch leol yn 'Frenhines y Ceirios'.
Dolen allanol
golygu- (Arabeg) (Ffrangeg) Gwefan swyddogol dinas a thalaith Sefrou Archifwyd 2009-07-01 yn y Peiriant Wayback