Sejanus

Pennaeth Gard y Praetoriwm ac un o'r dynion mwyaf grymus yn yr Ymerodraeth Rufeinig oedd Lucius Aelius Seianus neu Sejanus (20 CC - 18 Hydref, 31 OC).

Sejanus
Ganwyd	3 Mehefin 20 CC  Volsinii
Bu farw	16 Hydref 0031, 18 Hydref 0031  Rhufain
Dinasyddiaeth	Rhufain hynafol
Galwedigaeth	gwleidydd, Praetorian prefect, person milwrol
Swydd	Conswl Rhufeinig
Tad	Lucius Seius Strabo, Sextus Aelius Catus
Mam	Junia Blaesa
Priod	Apicata, Livilla
Partner	Livilla
Plant	Lucius Aelius Strabo, Aelia Junilla, Capito Aelianus

As o'r flwyddyn 31 gyda delwedd Tiberius, ac ar y cefn yr arysgrif Augusta Bilbilis Ti(berius) Caesare L(ucius) Aelio Seiano, yn dynodi cyfnod Sejanus fel Conswl y flwyddyn honno.

Ganed Sejanus yn 20 CC yn Volsinii yn Etruria. Daeth yn bennaeth Gard y Praetoriwm dan yr ymerawdwr Augustus yn y flwyddyn 14 OC, a bu yn y swydd hyd ei farwolaeth yn 31. Dano ef, daeth y Gard i fod yn fwy na gwarchodlu, gan ddatblygu i fod o bwysigrwydd gwleidyddol mawr. Yn ystod teyrnasiad yr ymerawdwr Tiberius, cynyddodd grym Sejanus. Yn y 20au cafodd ware o nifer o bobl oedd yn bygwth ei sefyllfa, yn cynnwys mab yr ymerawdwr, Julius Caesar Drusus, a gafodd ei wenwyno. Pan ymddeolodd Tiberius i ynys Capri yn 26, Sejanus oedd yn rheoli'r ymerodraeth i bob pwrpas.

Yn 31 fe'i gwnaed yn Gonswl, ond yr un flwyddyn daeth dan amheuaeth o gynllwynio yn erbyn yr ymerawdwr. Fe'i cymerwyd i'r ddalfa, a dienyddiwyd ef a nifer o'i ddilynwyr.