Star Trek: Picard
Cyfres deledu gwe Americanaidd yw Star Trek: Picard a grëwyd ar gyfer CBS All Access gan Kirsten Beyer, Akiva Goldsman, Michael Chabon ac Alex Kurtzman. Dyma'r wythfed gyfres yn masnachfraint Star Trek ac mae'n canolbwyntio ar y cymeriad Jean-Luc Picard. Mae'n cymryd lle ar ddiwedd y 24ain ganrif, 18 mlynedd ar ôl digwyddiadau Star Trek: Nemesis (2002), ac mae'r stori yn cael ei ddylanwadu gan farwolaeth yr android Data yn Nemesis. Mae dinistriad Romulus sy'n digwydd yn y ffilm Star Trek yn rhan o hanes, a lleoliad y sioe.
| Star Trek: Picard | |
|---|---|
 | |
| Genre |
|
| Crëwyd gan |
|
| Seiliwyd ar | Star Trek: The Next Generation gan Gene Roddenberry |
| Yn serennu |
|
| Cyfansoddwr/wyr | Jeff Russo |
| Gwlad | Yr Unol Daleithiau |
| Iaith wreiddiol | Saesneg |
| Nifer o dymhorau | 3 |
| Nifer o benodau | 30 |
| Cynhyrchiad | |
| Cynhyrchydd/wyr gweithredol |
|
| Lleoliad(au) | Santa Clarita, California |
| Cwmni cynhyrchu |
|
| Dosbarthwr | CBS Television Distribution |
| Rhyddhau | |
| Rhwydwaith gwreiddiol |
|
| Darlledwyd yn wreiddiol | Ionawr 23, 2020 – presennol |
| Cronoleg | |
| Rhagflaenwyd gan | Star Trek: Discovery |
| Sioeau cysylltiol |
|
| https://www.paramountplus.com/shows/star-trek-picard/ Gwefan | |
Patrick Stewart yw cynhyrchydd gweithredol y gyfres ac mae'n serennu fel Picard, gan ail-afael yn ei rôl o Star Trek: The Next Generation yn ogystal â'r ffilmiau Star Trek. Mae Santiago Cabrera, Michelle Hurd, Evan Evagora, Alison Pill, Harry Treadaway, ac Isa Briones hefyd yn serennu. Mae sawl actor o gyfresi blaenorol Star Trek hefyd yn ail-gymeryd eu rhannau, gan gynnwys Brent Spiner, Jeri Ryan, Marina Sirtis, a Jonathan Frakes.[1] Daeth sïon am y gyfres i ddechrau ym mis Mehefin 2018 pan ddechreuodd Kurtzman ei waith yn ehangu'r masnachfraint, ac fe'i gyhoeddwyd yn swyddogol ym mis Awst ar ôl misoedd o drafodaethau gyda Stewart, a oedd wedi dweud o'r blaen na fyddai'n dychwelyd i'r fasnachfraint ar ôl Nemesis. Dechreuodd y ffilmio yng Nghaliffornia ym mis Ebrill 2019, gyda theitl swyddogol y gyfres yn cael ei gyhoeddi fis yn ddiweddarach.
Cyflwynwyd Star Trek: Picard am y tro cyntaf ar 23 Ionawr 2020, 12:00am (PST) a bydd ei dymor cyntaf yn cynnwys deg pennod. Cyn y bennod gyntaf, adnewyddwyd Star Trek: Picard gan CBS All Access am ail dymor o 10 pennod.
Rhagymadrodd
golyguMae'r gyfres yn cymryd lle 18 mlynedd ar ôl ymddangosiad olaf Jean-Luc Picard yn Star Trek: Nemesis (2002), ac mae'n cael ei effeithio'n ddwfn gan farwolaeth Data,[2] fel y'i darlunnir yn Nemesis, yn ogystal â ddinistriad Romulus fel y'i darlunnir yn y ffilm Star Trek (2009).
Cast a chymeriadau
golyguPrif gast
golygu- Patrick Stewart fel Jean-Luc Picard: Llyngesydd Starfleet wedi ymddeol. Mae Stewart yn dychwelyd i'r rôl ar ôl portreadu'r cymeriad ddiwethaf yn ffilm Star Trek: Nemesis yn 2002 . Teimlai fod ei rôl yn y fasnachfraint bryd hynny "wedi rhedeg ei chwrs naturiol", ond yn y blynyddoedd ers hynny gwelodd sut yr oedd straeon am ei gymeriad wedi cael effaith er fywydau cefnogwyr y gyfres ac felly roedd bellach yn hapus "i ymchwilio a phrofi pa cysur a golau allai ddisgleirio ar yr amseroedd hyn, sy'n aml yn dywyll".
- Isa Briones fel Dahj: Menyw ifanc sy'n dod at Picard i ofyn cymorth
- Alison Pill fel Agnes Jurati: Meddyg sy'n rhannu nod cyffredin â Picard
- Santiago Cabrera fel Cristobal "Chris" Rios: Peilot llong Picard, lleidr medrus a chyn swyddog Starfleet
- Michelle Hurd fel Raffi Musiker: Cyn-swyddog cudd-wybodaeth Starfleet sy'n cael trafferth gyda cham-drin sylweddau; Partner Rios
- Harry Treadaway fel Narek: Asiant Romulan sy'n ymuno â chriw Picard i ymchwilio i'r hyn y mae ei bobl yn ei wneud i gyn-dronau Borg
- Evan Evagora fel Elnor: Ffoadur o Romulus sy'n arbenigwr mewn ymladd law-i-law ac sy'n ffyrnig o ffyddlon i Picard
Cast achlysurol
golygu- Brent Spiner fel Data: Android math Soong a wasanaethodd gyda Picard fel ail swyddog ar fwrdd y Enterprise-D a Enterprise-E hyd nes iddo gael ei ddinistrio yn Star Trek: Nemesis[3]
- Jeri Ryan fel Seven of Nine: Cyn-drôn Borg a ryddhawyd o'r Collective a oedd yn gymeriad rheolaidd ar Star Trek: Voyager
- Jonathan Del Arco fel Hugh: Cyn-drôn Borg a ymddangosodd ym mhenodau'r Next Generation "I, Borg" a "Descent, Part II"
- Jonathan Frakes fel William Riker: Cyn-swyddog cyntaf Picard ar y Enterprise-D a Enterprise-E a briododd Troi yn Star Trek: Nemesis
- Marina Sirtis fel Deanna Troi: Cyn gynghorydd Picard ar y Enterprise-D a Enterprise-E
- De Niro fel Number One: ci Picard
Cyfeiriadau
golygu- ↑ Otterson, Joe; Otterson, Joe (20 Gorffennaf 2019). "'Star Trek: Picard' to Feature Jonathan Frakes, Marina Sirtis, Brent Spiner, Jeri Ryan". Variety. Cyrchwyd 20 Gorffennaf 2019.
- ↑ Harp, Justin; Tanswell, Adam (16 Ionawr 2020). "Patrick Stewart confirms Star Trek: Picard fan theory explaining Data's return". Digital Spy.
- ↑ Couch, Aaron (20 Gorffennaf 2019). "'Star Trek': All the News and Highlights From the Supersized Comic-Con Panel". The Hollywood Reporter. Cyrchwyd 20 Gorffennaf 2019.
Dolenni allanol
golygu- Gwefan swyddogol
- (Saesneg) Star Trek: Picard ar wefan Internet Movie Database