The Odd Man trilogy

Cyfres ddrama deledu yn seiliedig ar helyntion yr heddlu oedd The Odd Man, a gynhyrchwyd gan Deledu Granada, ac a ddarlledwyd dros bedair cyfres rhwng 1960 a 1963. Portreadwyd y Prif Arolygydd Charles Rose rhwysgfawr gan William Mervyn ar ddechrau cyfres 3, gan sicrhau llwyddiant poblogaidd y sioe. Datblygodd y gyfres gyntaf yn drioleg a barhaodd y rhan fwyaf o'r 1960au, gan ddilyn cymeriad Rose wrth iddo droi'n fwy hynaws.

The Odd Man

Deliodd y gyfres wreiddiol ag ymchwiliadau'r asiant-theatr-o-dditectif Steve Gardiner (a bortreadwyd gan Geoffrey Toone, ac a ddisodlwyd gan Edwin Richfield wedi hynny). Gardiner oedd y "dyn od" yn nheitl y gyfres, a'i gyfarfyddiadau â'r heddlu yng nghymeriad y Prif Arolygydd Gordon (Moultrie Kelsall) oedd cnewyllyn cyfresi 1 a 2. Disodlwyd Kelsall gan y Prif Arolygydd Charles Rose (William Mervyn) o gyfres tri ymlaen. Cynorthwywyd Rose gan y Ditectif Ringyll Macbride (Alan Tilvern) a barhaodd am un tymor yn unig. Fe'i disodlwyd gan y Ditectif Sarjant Swift (a bortreadwyd gan Keith Barron) ar gyfer y gyfres olaf ym 1963 .

It's Dark Outside

Cafodd y cymeriadau Rose a Swift ddwy gyfres eu hunain, It's Dark Outside, ym 1964 a 1965. Roedd y straeon yn arswydus, gyda chymeriad Barron yn aml yn teimlo dan ormes ac yn ddryslyd gan droad y digwydd. Gadawodd Barron ar ddiwedd cyfres 1, i gael ei ddisodli gan Anthony Ainley yn rôl y Ditectif Ringyll Hunter.

Mr Rose

Y drydedd gyfres a'r olaf yn y drioleg oedd Mr Rose, a welodd y prif gymeriad yn mwynhau ymddeoliad yn Eastbourne . Ceisiodd Rose ysgrifennu ei atgofion mewn heddwch cyn cael ei gynnwys mewn ymchwiliadau troseddol annibynnol.

John Snow oedd cyfansoddwr arwyddgân Mr Rose, ac fe’i cyhoeddwyd ar sengl gan Roy Budd ar label Pye Records ym 1967. Recordiwyd ail fersiwn ar wahân ar yr albwm Time For TV gan Brian Fahey a’i Gerddorfa, ar label Studio 2 Stereo. Recordiwyd recordiad gwreiddiol John Snow gan lyfrgell gerddoriaeth hwyliau De Wolfe, ac nid yw ar gael yn fasnachol.

Bu'r actores Gymraeg Beryl Hall yn ran o'r drydedd gyfres hon.

Dolenni allanol

• (Saesneg) The Odd Man ar wefan Internet Movie Database
• (Saesneg) It's Dark Outside ar wefan Internet Movie Database
• (Saesneg) Mr. Rose ar wefan Internet Movie Database