Thimphu
Thimphu yw prifddinas Bhwtan, yn ogystal â bod yn enw ar yr ardal amgylchol a'r dzongkhag, Rhanbarth Thimphu. Gyda phoblogaeth o tua 50,000 (2003), Thimphu yw dinas fwyaf y wlad. Ei lleoliad yw 27°28′00″Gog., 89°38′30″Dwy. Ceir hefyd y ffurf orllewinol Thimbu.
 | |
| Math | dinas, dinas fawr, endid tiriogaethol gweinyddol  |
|---|---|
| Poblogaeth | 114,551 |
| Sefydlwyd |
|
| Cylchfa amser | UTC+06:00 |
| Daearyddiaeth | |
| Sir | Thimphu District |
| Gwlad |  Bhwtan |
| Arwynebedd | 27 km² |
| Uwch y môr | 2,321 ±1 metr |
| Gerllaw | Afon Raidāk |
| Cyfesurynnau | 27.4714°N 89.6337°E |
 | |
Tashichoedzong, y gaer-fynachlog ar ymyl ogleddol y ddinas, a godwyd yn yr 17g, yw sedd llywodraeth y wlad er 1952.
Mae'r ddinas yn ymestyn dros lethrau gorllewinol Dyffryn Wang Chhu. Mae Thimphu wedi gweld tyfiant sylweddol mewn canlyniad i'r all-lifo poblogaeth o gefn-gwlad. Norzin Lam yw'r brif stryd, gyda nifer o siopau, bwytai, ac adeiladau cyhoeddus. Mae pob adeilad yn y ddinas yn gorfod dilyn rheolau cynllunio caeth ynglŷn â phensaerniaeth ac ymddangosiad i adlewyrchu traddodiadau Bwdhaidd y wlad. Cynhelir marchnad ar y penwythnos ar lan yr afon. Lleolir y rhan fwyaf o ddiwydiant ysgafn y ddinas ar ei chyrrion i'r de o'r afon. Lleolir mynachlogydd Dechenphu, Tango a Cheri, ynghyd â Phalas Dechenchoeling, cartref swyddogol brenin Bhwtan, i'r gogledd o'r ddinas.
Yn Thimphu hefyd ceir Llyfrgell Genedlaethol Bhwtan.